Մեր մարդիկ

Մեր մարդիկ

Մեր մարդիկ


Մարդիկ՝ մեր գերակա արժեքը

Կենտրոնական բանկի ամենամեծ ուժը մեր աշխատակիցներն են։ Նրանք իրականություն են դարձնում մեր տեսլականն ու ռազմավարական նպատակները, և առաջնորդում են համարձակ ծրագրերը՝ միտված հանրային բարեկեցությանը։ Մենք ձգտում ենք ստեղծել միջավայր, որտեղ յուրաքանչյուրը կկարողանա աճել, զարգանալ և ունենալ իր ներդրումը։

Թիմային մշակույթ

Մեր աշխատանքային մշակույթը խթանում է գիտելիքի փոխանակումը, շարունակական ուսուցումը և փոխադարձ աջակցությունը։ Մեզ համար կարևոր է, որ մեր թիմակիցները ընդունեն մեր արժեքները և նպաստեն հասարակական բարիքի ապահովմանը։

Աշխատանքը ԿԲ-ում

Ինչու ընտրել Կենտրոնական բանկը

Կենտրոնական բանկը նախընտրելի գործատու է ինչպես փորձառու մասնագետների, այնպես էլ կարիերան նոր սկսողների համար։ Աշխատանքը ԿԲ-ում դիտարկվում է որպես առաքելություն՝ ուղղված երկրի տնտեսական կայունությանն ու զարգացմանը։

Մենք առաջարկում ենք․

  • Մասնագիտական աճի և առաջընթացի հնարավորություններ
  • Գիտելիքի և փորձի փոխանակման հարթակ
  • Շարունակական ուսուցում և վերապատրաստում
  • Գործընկերային և աջակցող թիմային մթնոլորտ
Ինչպե՞ս միանալ Մեզ

Թափուր հաստիքներին կարող եք ծանոթանալ մեր կայքում, ինչպես նաև Staff.am, LinkedIn հարթակներում։ Կարող եք միանալ մեզ՝ թե՛ որպես փորձառու մասնագետ, թե՛ որպես երիտասարդ մասնագետ, ով պատրաստ է սկսելու իր կարիերան բարձր պատասխանատվություն պահանջող միջավայրում։

Ընտրության գործընթաց

Մեր հավաքագրման գործընթացը ներառում է մի քանի փուլ՝

  1. Դիմումի ուղարկում և նախնական ընտրություն
  2. Առցանց հարցազրույց՝ ՄՌԿ մասնագետի հետ
  3. Մասնագիտական հարցազրույց կամ առաջադրանքի քննարկում
  4. Ամփոփիչ հարցազրույց
  5. Անվտանգության ստուգում և անձնական թեստեր

Բոլոր փուլերում մենք գնահատում ենք թեկնածուի մասնագիտական և անձնական ներուժը՝ հավասար հնարավորություններ ապահովելով բոլորի համար։

Երիտասարդ մասնագետների ծրագիր

Այս ծրագիրը նախատեսված է հավակնոտ ու հեռանկարային երիտասարդների համար, ովքեր ցանկանում են իրենց ներդրումն ունենալ ԿԲ գործունեության մեջ։ Ծրագիրը ներառում է․

  • Աշխատանք տարբեր ստորաբաժանումներում
  • Մենթորություն և մասնագիտական աջակցություն
  • Հետազոտական և վերլուծական նախագծեր
  • Մասնագիտական աճի անհատական ուղի

📌 Ծրագրի մասին մանրամասներին կարող եք հետևել մեր կայքում, երբ հայտարարվում է գրանցման նոր փուլ։

Պրակտիկայի հնարավորություններ

ԿԲ-ն առաջարկում է 3 տեսակի պրակտիկա՝

  • Նախադիպլոմային պրակտիկա
  • Հետազոտական պրակտիկա
  • Մասնագիտական / Աշխատանքային պրակտիկա

Պրակտիկաները կազմակերպվում են տեղական և միջազգային բուհերի ուսանողների համար՝ առավելագույնը 2 ամիս տևողությամբ։ Տաղանդավոր փորձնակների տվյալները պահպանվում են տաղանդների շտեմարանում՝ հետագա համագործակցության նպատակով։

Ամառային պրակտիկայի ծրագիր

Յուրաքանչյուր ամառ ԿԲ-ը հյուրընկալում է ուսանողների աշխարհի առաջատար համալսարաններից։ Նրանք իրականացնում են հետազոտություններ Դիլիջանի ուսումնահետազոտական կենտրոնում՝ ներկայացնելով արդյունքները ԿԲ խորհրդին։

📩 Դիմումները ընդունվում են գարնան սկզբին։ Ուղարկեք ձեր ինքնակենսագրականը և մոտիվացիոն նամակը՝ hrm@cba.am հասցեին։

Ավարտական / Ուսումնական պրակտիկա

Ուսանողները, ովքեր ունեն ԿԲ գործունեությանը համընկնող դիպլոմային թեմա, կարող են անցնել պրակտիկայի՝ համալսարանների հետ համագործակցությամբ։ Առաջարկում ենք նաև ինքնուրույն նախաձեռնությամբ ներգրավվելու հնարավորություն՝ գիտելիքները պրակտիկայում կիրառելու նպատակով։

Կապ մեզ հետ

Մանրամասն տեղեկությունների համար կարող եք գրել մեզ hrm@cba.am էլեկտրոնային հասցեով, և մենք կապ կհաստատենք Ձեզ հետ