Skip Ribbon Commands
Skip to main content

Գլխավոր էջ




Visitors Center
Legislation and Policy Database


Ինչպես SOAP-ի միջոցով ստանալ փոխարժեքները Փոխարժեքի ստացում

Ճիշտ տառատեսակի պատկերման համար բեռնավորեք Arian AMU.ttf

ՀՀ ԿԵՆՏՐՈՆԱԿԱՆ ԲԱՆԿԻ ՄԱՍԻՆ

ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ

Տեխնիկական համագործակցություն


 
ՀՀ կենտրոնական բանկի նախագահի ուղերձը

Անցումային տնտեսությունների կենտրոնական բանկերը բազմիցս օգտվել են միջազգային նվիրատու համայնքի կանոնավոր տրամադրած լայնամասշտաբ տեխնիկական օժանդակության հնարավորությունից: Կենտրոնական բանկերի մի ստվար զանգվածի համար այն շարունակում է մնալ փորձագիտական խորհրդատվության և անձնակազմի վերապատրաստման կարիքների ապահովման հիմնական աղբյուր: ՀՀ ԿԲ-ի տեխնիկական համագործակցությունը միջազգային դոնոր կազմակերպությունների և համագործակցող գործընկեր բանկերի հետ հաջողությամբ ընդլայնվել է վերջին երկու տասնամյակների ընթացքում, ինչն իր հիմնարար նպաստն է բերել Հայաստանի բանկային և ֆինանսական ոլորտին և կարևոր ազդեցություն թողել վերջինիս վրա:

Այս ընթացքում մեր անձնակազմի հարյուրավոր աշխատակիցներ են վերապատրաստվել արտերկրի ֆինանսական հաստատությունների և կենտրոնական բանկերի վերապատրաստման կենտրոնների կողմից կազմակերպված դասընթացներին: Այս առումով, ՀՀ կենտրոնական բանկն արդյունավետորեն համագործակցել է այնպիսի նշանավոր հաստատությունների հետ, ինչպիսիք են Նիդեռլանդների բանկը, Վիեննայի միացյալ ինստիտուտը, ԱՄՀ-ի Վաշինգտոնի ինստիտուտը, Անգլիայի բանկի Կենտրոնական բանկերի ուսումնասիրության կենտրոնը, Գերմանիայի կենտրոնական բանկը, Ֆրանսիայի բանկը, Միջազգային հաշվարկների բանկը, Շվեյցարիայի ազգային բանկը, Չեխիայի ազգային բանկը, Լեհաստանի ազգային բանկը, Ֆինանսական կայունության ինստիտուտը, Տորոնտոյի կենտրոնը և այլն:

Ժամանակի ընթացքին ու Հայաստանի արձանագրած առաջընթացին համահունչ՝ արդիական և համակարգված քաղաքականություն և ընթացակարգեր կիրառելու, ինչպես նաև իր հիմնական նպատակների իրագործմանն ուղղված միջոցառումներ ձեռնարկելու վերաբերյալ ՀՀ ԿԲ-ի հանձնառությունն ավելի է ամրապնդվում: Շուկայական տնտեսության հիմնարարներին, բարեփոխումների սկզբնական փուլում ՀՀ կենտրոնական բանկի համար կարևորվող բանկային վերակազմավորումներին ու արդիականացմանն առնչվող ընդհանուր ուսուցողական թեմաների նկատմամբ պահանջարկն այսօր արդեն իր տեղն է զիջում կենտրոնական բանկերի համար ավելի հասցեական թեմաներին, որոնք կիրառելիության տեսանկյունից առավել նպաստավոր են, իսկ ժամանակի հրամայականով՝ ոչ պակաս ուշագրավ:

Ես շնորհակալ եմ մեր գործընկերներին, ովքեր միշտ առավելագույնս պատրաստ են արձագանքել մեր՝ օրեցօր ավելի բարդաբնույթ դարձող պահանջներին:

Տարածաշրջանային համագործակցության դաշտում ևս ԿԲ դրական ձեռքբերումներ է գրանցել Հայաստանում միջազգային ձևաչափով սեմինարներ կազմակերպելու և անցկացնելու առումով: Այդ միջոցառումները մեկտեղում են տարբեր երկրներից հրավիրվող կենտրոնական բանկիրներին՝ տեղեկություններ, լավագույն փորձ փոխանակելու, ինչպես նաև առկա մարտահրավերներին համարժեք լուծում առաջարկելու նպատակով: Մենք հպարտ ենք ԱՄՆ Դաշնային պահուստային համակարգի և Տորոնտոյի կենտրոնի նախաձեռնած դասընթացները տարեկան պարբերականությամբ հյուրընկալելու համար:

Մեր մասնագետները ակտիվորեն ներգրավված են Կենտրոնական/Ազգային բանկերի Եվրասիական տնտեսական ընկերակցության, ինչպես նաև ԱՊՀ երկրների այլ կենտրոնական/ազգային բանկերի համար խորհրդակցություններ տրամադրելու, սեմինարներ և գործնական դասընթացներ կազմակերպելու աշխատանքներում, որի ընթացքում փոխանակվում են ֆինանսական հատվածի ամենատարբեր ոլորտներում ձեռք բերված լավագույն գործելակերպն ու փորձը:

Մոտ ապագայի ծրագրերում նախատեսում ենք ավելացնել այս տարվա համար տարածաշրջանային համագործակցության միջոցառումներ կազմակերպելու հնարավորությունները: Այս անցած տարիներին արձանագրած ձեռքբերումները մեզ քաջալերում են փնտրել համապատասխան ֆինանսական հաստատությունների հետ մեր համագործակցությունը նոր փուլ տանելու արդյունավետ ուղիներ և հնարավորություններ: Նման համագործակցության հաջողությունը հիմնականում պայմանավորված է.
  • բանկի՝ իր որակները բարելավելու և իր կարողություններն ամրապնդելու պատրաստակամությամբ,
  • կրթվող կազմակերպություն դառնալու, փոփոխություններին համաքայլ ընթանալու և միջազգային լավագույն փորձը ներդնելու նպատակով գիտելիքի կառավարում իրականացնելու տրամադրվածությամբ,
  • ձեռք բերած փորձը գործընկերների հետ կիսելու պատրաստակամությամբ:
Օգտվելով այս հնարավորությունից, ցանկանում եմ շնորհակալություն հայտնել մեր բոլոր գործընկերներին արժեքավոր աջակցության համար, և առաջարկում ենք աչքի անցկացնել մեր 2012 թ. ծրագիրը:

 
  Արթուր Ջավադյան,
  ՀՀ կենտրոնական բանկի նախագահ
 
 
Previous

Հայաստանի Հանրապե- տության էլ. Կառավարում

Ֆինանսական Համակարգի Հաշտարարի Կայք

Ավանդների Հատուցումը Երաշխավորող Հիմնադրամ

Արմենիան Քարդ

Հայաստանի Ավտոապահո- վագրողների Բյուրո

ACRA Վարկային Բյուրո

Ազգային Հիփոթեքային Ընկերություն

Գերմանա Հայկական Հիմնադրամ

Բնակարան երիտա- սարդներին

Իրավաբանական ակտերի նախագծերի հրապարակման միասնական կայք

Next