|
Compliance Details javascript:commonShowModalDialog('{SiteUrl}/_layouts/itemexpiration.aspx?ID={ItemId}&List={ListId}', 'center:1;dialogHeight:500px;dialogWidth:500px;resizable:yes;status:no;location:no;menubar:no;help:no', function GotoPageAfterClose(pageid){if(pageid == 'hold') {STSNavigate(unescape(decodeURI('{SiteUrl}'))+'/_layouts/hold.aspx?ID={ItemId}&List={ListId}'); return false;} if(pageid == 'audit') {STSNavigate(unescape(decodeURI('{SiteUrl}'))+'/_layouts/Reporting.aspx?Category=Auditing&backtype=item&ID={ItemId}&List={ListId}'); return false;} if(pageid == 'config') {STSNavigate(unescape(decodeURI('{SiteUrl}'))+'/_layouts/expirationconfig.aspx?ID={ItemId}&List={ListId}'); return false;}}, null); 0x0 0x1 ContentType 0x01 898
|
ՀՀ կենտրոնական բանկի մասին
Պատմություն
Դրամաշրջանառությունը ԽՍՀՄ ժամանակաշրջանում
1924 թ. Խորհրդային Միության տարածքում շրջանառության մեջ են դրվում մետաղադրամները. 1, 2, 3 և 5 կոպեկ արժողությամբ` պղնձից, 10, 15, 20 կոպեկ արժողությամբ` ցածրորակ արծաթից և 50 կոպեկ, 1 ռուբլի արժողությամբ` արծաթից: 1925-1928 թթ. թողարկվում է ամենափոքր անվանական արժեքով պղնձե մետաղադրամը` կես կոպեկը:
1926 թ. սկսած թողարկվում են 1, 2, 3 և 5 կոպեկ անվանական արժեքով մետաղադրամները՝ բրոնզից, իսկ 1931 թ. սկսած՝ 10, 15, 20 կոպեկ արժողությամբ մետաղադրամները՝ պղինձ-նիկելի համաձուլվածքից:
Շատ բազմազան են եղել ԽՍՀՄ թղթադրամների թողարկումները: Դրանք սկիզբ են առնում 1923 թ-ից և կարճ ժամանակահատվածում տարբեր շարքերի թողարկումները հաջորդում են մեկը մյուսին: Թողարկվում և միաժամանակ շրջանառվում են ինչպես «ռուբլի», անյպես էլ «չերվոնեց» դրամական միավորները (1 չերվոնեցը հավասար էր 10 ռուբլու): Հոկտեմբերյան հեղափոխության 20-ամյակի կապակցությամբ 1937 թ. թողարկված չերվոնեցների շարքի թղթադրամներին առաջին անգամ պատկերվում է Վ. Լենինի դիմանկարը:
1947 թ. թողարկվում է 1, 3, 5, 10, 25, 50 և 100 ռուբլի անվանական արժեքով թղթադրամների նոր շարք` նպատակ ունենալով նպաստել պատերազմից տուժած տնտեսության արագ վերականգնմանը:
Նկ.՝ 1947 թ. նմուշի 5 ռուբլի անվանական արժեքով թղթադրամ
1961 թ. ԽՍՀՄ իրականացվում է դենոմինացիա (10:1 հարաբերակցությամբ) և շրջանառության մեջ է դրվում մետաղադրամների նոր շարքը` 1, 2, 3, 5, 10, 15, 20, 50 կոպեկ և 1 ռուբլի արժողությամբ: Թղթադրամների շարքը կազմում են 1, 3, 5, 10, 25, 50 և 100 ռուբլի անվանական արժեքով թղթադրամները:
Նկ.՝ 1961 թ. նմուշի 3 և 25 ռուբլի անվանական արժեքով թղթադրամներ
1991 թ. դրամաշրջանառությունը կարգավորելու նպատակով 50 և 100 ռուբլի անվանական արժեքով թղթադրամները փոխարինվում են նոր` 1991 թ. նմուշի 50 և 100 (երկու տարբեր տիպի) ռուբլի արժողությամբ թղթադրամներով, իսկ ավելի ուշ շրջանառության մեջ են դրվում նաև 1991 թ. նմուշի 1, 3, 5, 10, 200, 500 և 1000 ռուբլիանոց թղթադրամները:
1992 թ. հունվարից սկսվում է գների ազատականացումը, որը հանգեցնում է գների բարձրացմանն և ռուբլու արժեզրկմանը: Շրջանառության մեջ են դրվում 1992 թ. նմուշի թղթադրամները՝ 50, 200, 500, 1000, 5000 և 10000 ռուբլի անվանական արժեքով:
|
|
|