Հայաստանի Հանրապետության կենտրոնական բանկը, ելնելով ֆինանսական համակարգի կայունության ապահովման անհրաժեշտությունից և ֆինանսական համակարգին բնորոշ յուրահատկություններից իր խնդիրների շարքում առանձնացրել է «ֆինանսական համակարգում սպառողների իրավունքների և օրինական շահերի պաշտպանության համար անհրաժեշտ պայմանների ապահովումը»:
Կենտրոնական բանկի ներքո ստեղծվել է «Սպառողների շահերի պաշտպանության և շուկայի վարվելակերպի» բաժին, որը վերոնշյալ խնդրի իրագործման համար իրականացնում է հետևյալ գործառույթները`
- Սպառողների շահերի պաշտպանության համար համապատասխան կարգավորման դաշտի ձևավորում և կատարելագործում,
- Ֆինանսական կազմակերպությունների վարվելակերպի կանոնների մշակում և կատարելագործում,
- Սպառողների իրազեկման և ֆինանսական գրագիտության բարձրացմանն ուղղված միջոցառումների իրականացում, ֆինանսական կրթման գործիքների մշակում և կատարելագործում,
- Ֆինանսական ծառայությունների սպառողների համար հատուկ ինտերնետային կայքի (www.abcfinance.am) վարում և կատարելագործում,
- Թեժ գծի վարում,
- և այլն:
Կենտրոնական բանկի կայքի` «Սպառողների համար» բաժնի «Ծառայություններ» պատուհանում Դուք կարող եք տեղեկանալ ՀՀ առևտրային բանկերի կողմից մատուցվող հիմնական բանկային ծառայությունների (վարկ, ավանդ, բանկային հաշիվ, վճարային քարտ, դրամական փոխանցումներ) պայմանների հետ: «Իրադարձություններ» պատուհանից կտեղեկանաք սպառողների շահերի պաշտպանության ոլորտում տեղի ունեցած հիմնական իրադարձությունների մասին: Իսկ «Հղումներ» պատուհանից Դուք կարող եք գտնել բոլոր այն օգտակար հասցեներն ու տեղեկությունները, որոնց միջոցով կկարողանաք կայացնել տեղեկացված որոշումներ:
Լրացուցիչ տեղեկությունների, ինչպես նաև բողոքների և առաջարկությունների համար կարող եք զանգահարել ԿԲ –ում գործող թեժ գծի հետևյալ հեռախոսահամարով` (010) 592 697: