Կենտրոնական բանկի խորհուրդը սեպտեմբերի 27-ի նիստում, որը վարում էր ԿԲ նախագահի տեղակալ Ներսես Երիցյանը, հավանություն է տվել «ՀՀ ԿԲ դրամավարկային քաղաքականության անուղղակի գործիքներ և դրանց կիրառման մեխանիզմներ» փաստաթղթին, հաստատել է «Ֆինանսական կայունության հաշվետվություն, 2011թ. առաջին կիսամյակ» և «ՀՀ և ԼՂՀ տարածքներում առևտրային բանկերի և վարկային կազմակերպությունների, վարկային ներդրումների և ներգրավված միջոցների կազմն ու կառուցվածքը, ըստ մարզերի 30.06.2011թ. դրությամբ» նյութերը:
Խորհրդի որոշմամբ լրացումներ են կատարվել «ՀՀ տարածքում գործող բանկերում կանխիկ դրամով կատարվող գործառնությունները» կանոնակարգ 9-ում:
Խորհուրդը ուժը կորցրած է ճանաչել անհատ ձեռնարկատեր Վանուշ Կոստանյան արտարժույթի առուվաճառքի գործառնությունների իրականացման թիվ 166 լիցենզիան, ինչպես նաև մերժել է անհատ ձեռնարկատեր Աշոտ Խաչատրյանի` գրավատան կազմակերպման լիցենզիա ստանալու հայտը: Արտարժույթի առուվաճառքի լիցենզիա է տրամադրվել «Արբումպրոմ» արտադրական միավորում ՍՊԸ-ին:
Խորհուրդը հաստատել է «ԹԵԼ-ՍԵԼ» ՓԲԸ-ի Գյուլբեկյան մասնաճյուղի հաշվառումը:
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռ/ֆաքս. 56 37 61
էլ-փոստ. mcba@cba.am
www.cba.am