Սույն թվականի հոկտեմբերի 22-ին ՀՀ ԿԲ ֆինանսական դիտարկումների կենտրոնի կողմից անց է կացվել դասընթաց՝ խաղատների, շահումով խաղերի, ներառյալ՝ ինտերնետ շահումով խաղերի, վիճակախաղերի կազմակերպման գործունեություն իրականացնող անձանց ներքին դիտարկումների մարմնի աշխատակիցների, ՀՀ ֆինանսների նախարարության և ՀՀ պետական եկամուտների կոմիտեի ներկայացուցիչների համար: Դասընթացի շրջանակներում մասնակիցներին ներկայացվել են թեմաներ «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքում կատարված փոփոխությունների և լրացումների, ինչպես նաև ինտերնետ շահումով խաղերի և խաղատերի գործունեության հետ կապված ՓԼ/ԱՖ ռիսկերը և կասկածելիության չափանիշների վերաբերյալ:
Բացի դրանից իրականացվել են նաև գործնական առաջադրանքներ՝ պրակտիկ օրինակներով մասնակիցներին ներկայացնելով գործարքները կամ գործարար հարաբերությունները կասկածելի որակելու և հաշվետվություն տրամադրելու գործընթացը և այլն:
Դասընթացը կրելու է շարունակական բնույթ՝ նպատակ ունենալով բոլոր հաշվետվություն տրամադրող անձանց իրազեկել ՓԼ/ԱՖ դեմ պայքարի ոլորտում առկա զարգացումների վերաբերյալ: