Կայուն ֆինանսների ազգային ճանապարհային քարտեզ
Համաձայն 2023 թ. սեպտեմբերի 5-ին խորհրդի նիստի թիվ 25 արձանագրության 18րդ կետի, Հայաստանի Հանրապետության կենտրոնական բանկի խորհուրդը հավանության է արժանացրել «Հայաստանի կայուն (հարատև) ֆինանսների ազգային ճանապարհային քարտեզը», որն ընդգծում է ֆինանսական հատվածում կայուն զարգացման ռազմավարական ԿԲ հանձնառությունը չորս հենասյուների միջոցով, որոնք են՝ մոբիլիզացնել ֆինանսավորումը, ընդլայնել շուկաները, ներդնել կայուն զարգացման սկզբունքները և բարձրացնել իրազեկության մակարդակը։
Մոբիլիզացնել ֆինանսավորումը. հեշտացնել կապիտալի ռիսկի վրա հիմնված, շուկայամետ և հարատև հոսքը արդյունաբերություն և այլ ոլորտներ, որոնք համահունչ են Հայաստանի՝ ածխածնի արտանետման նվազեցման հավակնություններին: Այս հենասյան շրջանակներում նախատեսվում է երկու գործողության իրականացում ՝ 1. կայուն ֆինանսական պրոդուկտների և պարտատոմսերի շրջանակի մշակում, 2. սոցիալական նկատառումների ներդրում ՀՀ ֆինանսական համակարգում:
Ընդլայնել շուկաները. աջակցել գիտելիքների փոխանցմանը, նվազեցնել տեղեկատվական անհամաչափությունները, ապահովել շուկայի նկատմամբ վստահությունը և ամրապնդել կայուն ֆինանսավորման համար նպաստավոր միջավայր: Հենասյան շրջանակներում նախատեսվում է՝ 1. ստեղծել կայուն ֆինանսների կենտրոնացված տվյալների բազա, 2. ուսումնասիրել շուկայի խրախուսական միջոցները և խթանները, 3. իրականացնել հետազոտական և գնահատման աշխատանքներ, 4. նախագծել առաջընթացի հետագծման շրջանակ:
Ներդնել կայուն ֆինանսներ. ուղղորդել ֆինանսական հատվածի մասնակիցներին իրենց բիզնես որոշումներում ԲՍԿ սկզբունքների ներդրման հարցում։ Ըստ այդմ ՝ 1. ինտեգրել ԲՍԿ-ն վերահսկողության շրջանակում, 2. ֆինանսական շուկայի մասնակիցների (ՖՇՄ) համար մշակել ուղեցույցներ ԲՍԿ ռիսկերի ինտեգրման և կառավարման վերաբերյալ, 3. ինտեգրել ԲՍԿ-ն ՖՇՄ-ների կորպորատիվ կառավարման մեջ:
Ձևավորել իրազեկում և գիտելիք. բարձրացնել կայունության ռիսկերի և հնարավորությունների մասին իրազեկության մակարդակը Հայաստանում, զարգացնել կարողությունները ՀՀ կենտրոնական բանկի ներսում և ֆինանսական շուկայի մասնակիցների շրջանում: Այս նպատակով՝ 1. ստեղծել կարողություններ ԿԲ-ում, 2. ստեղծել կայուն ֆինանսների ազգային կենտրոն /հաբ, 3. անդամակցել կայուն ֆինանսների միջգերատեսչական աշխատանքային խմբերին, 4. ընդլայնել և ստեղծել նոր գործընկերություններ:
Ստորև ներկայացված են ճանապարհային քարտեզի սյուները և գործողությունները:
Ճանապարհային քարտեզի համառոտ տարբերակն այստեղ՝ հայերենով: