Տվյալներ, աղյուսակներ և գծապատկերներ
Հայաստանի Հանրապետության ֆինանսական կայունության ցուցանիշներ
Ֆինանսական կայունության ցուցանիշները (ՖԿՑ) երկրի ֆինանսական համակարգի, նրա կորպորատիվ հատվածի և տնային տնտեսությունների ֆինանսական առողջությունն ու կայունությունը բնութագրող վիճակագրական ցուցանիշների ամբողջություն է: Ֆինանսական կայունության ցուցանիշները այնպիսի գործիքներ են, որոնք օգնում են քանակապես ու որակապես գնահատել ֆինանսական համակարգերի կայունությունը և խոցելիությունը՝ ըստ հինգ ոլորտների. կապիտալի համարժեքություն, ակտիվների որակ, շահութաբերություն, իրացվելիություն և զգայունություն շուկայական ռիսկի նկատմամբ:
Այս ցուցանիշների մշակումը կոորդինացվում է Արժույթի միջազգային հիմնադրամի կողմից՝ այլ միջազգային կազմակերպությունների և ԱՄՀ անդամ երկրների օժանդակությամբ: Ցուցանիշների նման համակարգի ստեղծման գլխավոր շարժառիթ է հանդիսացել ֆինանսական համակարգերի կայունության վերաբերյալ միջազգայնորեն համադրելի տվյալների հասանելիությաւն ապահովումը մեծ թվով երկրների համար (ԱՄՀ մետատվյալներ):
Ֆինանսական կայունության ընդլայնված ցուցանիշներ
ֆինանսական կայունության ցուցանիշներից բացի, մոնիտորինգ է իրականացվում ցուցանիշների ավելի լայն շրջանակի համար՝ նպաստելու ֆինանսական համակարգում ռիսկերի գնահատմանը և ֆինանսական կայունության վերաբերյալ որոշումների կայացմանը: Այս ցուցանիշները ընդգրկում են ֆինանսական հաստատությունները, շուկաները և ենթակառուցվածքները, ինչպես նաև մակրոտնտեսական միջավայրը, տնային տնտեսությունները և անշարժ գույքի ոլորտը: Դրանք նաև նպաստում են վերլուծական աշխատանքներին և ծառայում որպես ֆինանսական կայունության հաշվետվությունների հիմնական մուտքային տվյալներ: Այս տվյալների բազան պարբերաբար թարմացվում և հրապարակվում է, երբ հիմքում ընկած տվյալները հասանելի են դառնում:
Ֆինանսական կայունության հաշվետվությունների տվյալներ և գծապատկերներ
Ֆինանսական կայունության հաշվետվությունների պատրաստման համար հիմք են հանդիսանում մի շարք ցուցանիշներ: Ստորև ներկայացված է հիմնական ցուցանիշների ընտրանի, որտեղ հիմնականում 10 տարվա ժամանակագրական շարքեր են: Ավելի հին արժեքները կարելի է գտնել ֆինանսական կայունության համապատասխան հաշվետվություններում:
Ֆինանսական կայունության վիճակագրություն