Ֆինանսական կայունության քաղաքականության իրականացումը Հայաստանում
Մակրոպրուդենցիալ քաղաքականության իրականացումը ենթադրում է հետևյալ հաջորդական քայլերը.
- ֆինանսական համակարգում համակարգային և այլ ռիսկերի զարգացումների մշտադիտարկում
- ռիսկի աղբյուրի բացահայտում և գնահատում
- համապատասխան միջանկյալ նպատակի և ռիսկի հասցեագրման համար համապատասխան գործիքի ընտրություն
- գործիքի չափաբերում
- որոշումների հաղորդակցում
- գործիքի կիրառում
- գործիքի արդյունավետության հետահայաց գնահատում և հնարավոր վերաչափաբերում:
Վերոնշյալ քայլերի կարևորագույն օղակներից են համակարգային ռիսկի չափման և ընտրված գործիքի դրույքաչափի (սահմաչափի) որոշումը:
Համակարգային ռիսկի քանակական չափումը իրականացվում է մաթեմատիկական մոդելների մշակման և կիրառման միջոցով, որոնք, ինչպես և համեմատաբար ավելի պարզ ցուցանիշները, նպատակ ունեն ժամանակին հայտնաբերել ֆինանսական համակարգում ռիսկերի կուտակման գործընթացները: Գործիքի դրույքաչափի վերաբերյալ վերջնական որոշումը կայացվում է մոդելներից ստացվող ազդանշանների և փորձագիտական դատողությունների/ճշգրտումների հիման վրա:
ՀՀ կենտրոնական բանկի թիմը շարունակաբար աշխատում է համակարգային ռիսկերի գնահատմանն ուղղված առկա գործիքների կատարելագործման, ինչպես նաև միջազգային լավագույն փորձին և ներքին պահանջներին համապատասխան նոր գործիքների մշակման ուղղությամբ։
Մակրոպրուդենցիալ քաղաքականության նպատակներն ու գործիքակազմը