Մակրոտնտեսական քաղաքականություն
Դրամավարկային քաղաքականություն
Մեր ռազմավարական ուղերձն է՝ մենք պետք է լինենք լավագույն դրամավարկային քաղաքականության ռազմավարություն ունեցող երկրների շարքում:
Այս նպատակին հասնելով՝ կձևավորենք մշտապես ապագային միտված և դինամիկ զարգացող համակարգ, դրամավարկային քաղաքականության և գների կայունության հանրային լայն ընկալում։
Արդյունքում ակնկալում ենք ունենալ.
- Դրամավարկային քաղաքականության կանխատեսումների և վերլուծությունների (FPAS) որակյալ ու դինամիկ փոփոխվող համակարգ։
- Դրամավարկային քաղաքականության համակարգի կամ դրա առանձին տարրերի մասով նորարարական մոտեցումներ։
- Դրամավարկային քաղաքականության ռազմավարության հիմնարար տարրերի ու սկզբունքների վերաբերյալ հստակ և աջակցող հանրային ընկալման ձևավորում, այդ թվում՝ ֆինանսական շուկաների մասնակիցների կողմից։
- ԿԲ գործիքակազմի իրացվելիության կառավարման և դրամավարկային քաղաքականության գործառնությունների թափանցիկ ու ֆինանսական շուկայի մասնակիցների համար ընկալելի մոտեցումներ:
Արդյունքին հասնելու նկարագիրը՝ դրամավարկային քաղաքականության որոշումների վերաբերյալ ֆինանսական շուկայի մասնակիցների և հանրային լայն ու աջակցող ընկալման ձևավորում, ինչը կարտահայտվի տնտեսության վրա դրամավարկային քաղաքականության ազդեցության արդյունավետության բարձրացմամբ:
Մակրոպրուդենցիալ քաղաքականություն
Մեր ռազմավարական ուղերձն է՝ մենք պետք է ունենանք ֆինանսական համակարգում ձևավորվող և կուտակվող համակարգային ռիսկերի գնահատման ու արագ արձագանքման լավագույն համակարգերից մեկը։
Այս նպատակին հասնելով՝ կիրականացնենք այնպիսի քաղաքականություն, որը կերաշխավորի ֆինանսական համակարգի կայունությունը, կապահովի ֆինանսական համակարգի անընդհատությունն ու խորությունը՝ սահուն ֆինանսական միջնորդության և, այդպիսով, երկարաժամկետ կայուն տնտեսական աճին նպաստելու միջոցով։
Արդյունքում ակնկալում ենք ունենալ.
- Մակրոպրուդենցիալ գործիքների կիրառության վերլուծական հենք։
- Մակրոպրուդենցիալ քաղաքականության իրականացման կառուցակարգ։
- Համակարգային ռիսկի գնահատման արդի գործիքակազմ, այդ թվում՝ նոր գործիքների մշակում և ներդրում:
Արդյունքին հասնելու նկարագիրը՝ քաղաքականության ուղերձների յուրացում, ֆինանսական կազմակերպությունների կողմից համարժեք վարքագծի դրսևորում, ֆինանսական համակարգի կողմից շոկերին դիմակայելու բավարար ունակություն: Արդյունքում՝ կապահովվի համակարգի կողմից տնտեսության վարկավորման անընդհատությունը։