Մետաղադրամներ
Հայաստանի Հանրապետության արժույթը հայկական դրամն է: ISO կոդը` AMD, գրանշանը՝ 
Մեկ դրամը հավասար է հարյուր լումայի: Ազգային արժույթի թողարկման բացառիկ իրավունքը պատկանում է ՀՀ կենտրոնական բանկին: Ազգային դրամը շրջանառության մեջ է դրվել 1993 թ. նոյեմբերի 22-ից:
ՀՀ 1-ին շարքի մետաղադրամները շրջանառության մեջ են դրվել 1994 թ.:
2003-2004 թթ. թողարկվել են ՀՀ 2-րդ շարքի մետաղադրամները:
ՀՀ առաջին շրջանառու հիշատակային և հոբելյանական մետաղադրամները՝ նվիրված Եղիշե Չարենցի ծննդյան 100-ամյա հոբելյանին և Շախմատի 32-րդ օլիմպիադային, թողարկվել են 1996-1997 թթ.։ 1997 թ. թողարկվել է նաև Անահիտ աստվածուհուն նվիրված ոսկե մետաղադրամը։
Հետագայում այս տեսակի դրամանիշերի թողարկումները համալրվել են Հայաստանի մարզերին և քաղաք Երևանին, Հայաստանի վայրի ծառերին, հայկական դրամի 30-ամյակին նվիրված շարքերով։
Շրջանառու հիշատակային մետաղադրամները թողարկվում են սահմանափակ քանակով և չեն վերաթողարկվում։