|
Համաձայն «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 5-րդ հոդվածի 2-րդ մասի է) կետի դրույթների՝ ՀՀ կենտրոնական բանկը (այսուհետ՝ ՀՀ ԿԲ) վարում է ՀՀ արտաքին հատվածին վերաբերող հաշիվների՝ վճարային հաշվեկշռի, միջազգային ներդրումային դիրքի և համախառն արտաքին պարտքի վիճակագրությունը: Ընդ որում, արտաքին հաշիվների վիճակագրության կազմմանը ՀՀ ԿԲ-ին օժանդակող հիմնական գործընկեր կառույցը ՀՀ վիճակագրական կոմիտեն է, մասնավորապես՝ ընթացիկ հաշվի մի շարք հոդվածների, կապիտալ ու ֆինանսական հաշիվների մասնավոր ոչ ֆինանսական հատվածի (ոչ ֆինանսական կազմակերպությունների, տնային տնտեսությունների և ՏՏՍՈԱԿ-ների) գծով իրականացվող գործառնությունների մասով:
Արտաքին հատվածի վիճակագրությունը իրենից ներկայացնում է տվյալ երկրի ռեզիդենտների և ոչ ռեզիդենտների միջև իրականացվող բոլոր գործառնությունների վերաբերյալ տեղեկատվության հավաքագրումն, ամփոփումն ու վերլուծական ներկայացումը: Արտաքին հատվածի վիճակագրությունը ներառում է վճարային հաշվեկշռի, միջազգային ներդրումային դիրքի, համախառն պաշտոնական պահուստների, համախառն արտաքին պարտքի, ինչպես նաև դրամական փոխանցումների վերաբերյալ վիճակագրությունը:
Արտաքին հատվածի վիճակագրության ձեռնարկ
ՀՀ վճարային հաշվեկշռի պատմական շարքերի վերանայման վերաբերյալ տեղեկանքը
Տեղեկանք ՀՀ արդյունավետ փոխարժեքի մեթոդաբանության փոփոխությունների վերաբերյալ
Տեղեկանք անուղղակիրորեն չափվող ֆինանսական միջնորդության ծառայությունների հաշվարկման մեթոդաբանության վերաբերյալ
Տեղեկանք ապրանքների ներմուծման CIF-FOB գործակիցների հաշվարկման մեթոդաբանության վերաբերյալ
|