Արթուր Ջավադյան
2008-2020 թթ.
Վաղ տարիներ և կրթություն
1964, ապրիլի 22 – Ծնվել է Երևանում, Հայկական ԽՍՀ-ում։
1981-1986 – Սովորել է Հայկական գյուղատնտեսական ինստիտուտի մեքենայացման ֆակուլտետում՝ ստանալով ինժեներ-մեխանիկի որակավորում։
1986-1989 – Ասպիրանտուրա՝ «Հայգյուղմեքենայացում» ԳԱՄ-ում։
1994 – Մասնակցել է Նյու Յորքի Ամերիկյան բանկային գործի ինստիտուտի ծրագրին։
1998 – Մասնակցել է Շվեյցարիայի Կենտրոնական բանկի ուսումնական կենտրոնի ծրագրին։
2000 – Մասնակցել է բանկային ոլորտին վերաբերող միջազգային սեմինարների, գիտաժողովների և կոնֆերանսների։
2001 – Սովորել է Տորոնտոյի վերին ղեկավարության միջազգային կենտրոնում։
2002 – Մասնակցել է Միջազգային ֆինանսների ճապոնական կենտրոնի ծրագրին։
Բանկային գործունեություն
1989-1991 – Մասնագետ, բաժնի պետի պաշտոնակատար, բաժնի պետ և վարչության անդամ «Երևան» բանկում։
1991-1997 – Վարչության նախագահ «Հայինվեստբանկ» ՓԲԸ-ում։
1997-1999 – ՀՀ Կենտրոնական բանկի խորհրդի անդամ։
1999-2000 – Ֆինանսների գծով խորհրդական «Հայինվեստբանկ» ՓԲԸ խորհրդի նախագահի մոտ։
2000-2001 – ՀՀ Կենտրոնական բանկի նախագահի խորհրդական։
2001-2003 – ՀՀ Կենտրոնական բանկի խորհրդի անդամ։
2003 – ՀՀ Կենտրոնական բանկի նախագահի խորհրդական։
2003-2008 – ՀՀ Կենտրոնական բանկի նախագահի տեղակալ։
2008 – ՀՀ Ազգային ժողովի որոշմամբ նշանակվել է ՀՀ Կենտրոնական բանկի նախագահ։
2008 – Նշանակվել է Արժույթի միջազգային հիմնադրամի կառավարիչների խորհրդում Հայաստանի կառավարչին փոխարինող անձ (փոխկառավարիչ)։
2008 – Նշանակվել է Սևծովյան տնտեսական համագործակցության կազմակերպության բանկի կառավարիչների խորհրդում Հայաստանի կառավարիչ
2014 – ՀՀ Ազգային ժողովի որոշմամբ վերանշանակվել է ՀՀ Կենտրոնական բանկի նախագահի պաշտոնում՝ սկսած 2014 թ. հունիսի 12-ից։
2020 – Նշանակվել է հատուկ հանձնարարություններով դեսպան
2021 – Ընտրվել է Տնօրենների հայկական ինստիտուտի խորհրդի նախագահ։
2022 – Դարձել է «ԱյԴի Բանկ» ՓԲԸ խորհրդի անդամ։
Այլ գործունեություն
1986 – 1986 – Ինժեներ-կոնստրուկտոր «Հայգյուղտնտմեքենայացում» ԳԱՄ-ում։
1987-1989 – Երկրորդ կարգի ինժեներ «Գլխհայջրշին» տրեստում։
Պարգևներ
2011 – Պարգևատրվել է «Անանիա Շիրակացի» մեդալով։
2011 – Ստացել է «Վաչագան Բարեպաշտ» մեդալ։
2015 – Պարգևատրվել է «Հայրենիքին մատուցած ծառայությունների համար» 2-րդ աստիճանի մեդալով։
2017 – Պարգևատրվել է «Մեսրոպ Մաշտոց» շքանշանով։
2019 – Ստացել է «Ռազմական համագործակցության համար» մեդալ։
2020 – Ղրղզստանի Ազգային բանկի կողմից ստացել է «Համագործակցության համար» մեդալ։