Տիգրան Սարգսյան
1998-2008 թթ.
Վաղ տարիներ և կրթություն
1960, հունվարի 29 – Ծնվել է Հայկական ԽՍՀ Կիրովական (ներկայիս Վանաձոր) քաղաքում։
1967-1977 – Սովորել է Երևանի Ա. Պուշկինի անվան թիվ 8 միջնակարգ դպրոցում։
1977-1978 – Սովորել է Երևանի տեխնիկական թիվ 14 ուսումնարանում։
1978-1980 – Սովորել է Երևանի ժողովրդական տնտեսության ինստիտուտի պլանավորման և տնտեսության ֆակուլտետում։
1980-1983 – Սովորել է Լենինգրադի Ն. Ա. Վոզնեսենսկու անվան ֆինանսատնտեսական ինստիտուտում, որը ավարտել է գերազանցությամբ։
1983-1987 – Շարունակել է ուսումը նույն ինստիտուտի ասպիրանտուրայում և պաշտպանել թեկնածուական թեզ «Տարածաշրջանային սոցիալ-տնտեսական զարգացման պլանավորումը Հայաստանի օրինակով» թեմայով՝ ստանալով տնտեսագիտական գիտությունների թեկնածուի աստիճան։
1994 – Սովորել է Վաշինգտոնի Իրավունքի միջազգային ինստիտուտում «Օրինաստեղծ գործունեություն» ծրագրով։
1996-1997 – Մասնակցել է Համաշխարհային բանկի Տնտեսական զարգացման ինստիտուտի «Բանկերի արդյունավետ կառավարում» ծրագրին Վաշինգտոնում։
Բանկային գործունեություն
1998 – Նշանակվել է Հայաստանի Հանրապետության Կենտրոնական բանկի նախագահ։
2005 – Վերանշանակվել է Կենտրոնական բանկի նախագահի պաշտոնում։
2005-2007 – Եղել է Միջպետական բանկի խորհրդի նախագահ։
Այլ գործունեություն
1987-1990 – Աշխատել է Տնտեսության և պլանավորման գիտահետազոտական ինստիտուտում՝ որպես ավագ գիտաշխատող և միջազգային տնտեսական կապերի խմբի ղեկավար։
1988-1993 – Եղել է Երիտասարդ մասնագետների և գիտնականների հանրապետական խորհրդի նախագահ։
1990-1995 – Ընտրվել է ՀՀ Գերագույն խորհրդի պատգամավոր և եղել է ֆինանսավարկային և բյուջետային հարցերի մշտական հանձնաժողովի նախագահ, ինչպես նաև ԳԽ նախագահության անդամ։
1995-1998 – Եղել է Հայաստանի բանկերի ասոցիացիայի նախագահ։
1995-2008 – Ղեկավարել է Անցումային հասարակության հետազոտության ինստիտուտը՝ որպես տնօրեն։
2008– Նշանակվել է Հայաստանի Հանրապետության վարչապետ։
2012 – Վերանշանակվել է վարչապետի պաշտոնում՝ 2012 թ. մայիսի 6-ի ԱԺ ընտրությունների արդյունքում ձևավորված կառավարության ղեկավարի պաշտոնում։
2013 – Վերանշանակվել է վարչապետի պաշտոնում՝ 2013 թ. փետրվարի 18-ի ՀՀ նախագահական ընտրությունների արդյունքում։
2014 – Հրաժարական է տվել վարչապետի պաշտոնից։
2014 – 2016 – Եղել է ԱՄՆ-ում Հայաստանի Հանրապետության արտակարգ և լիազոր դեսպան։
2016– 2020 – Եղել է Եվրասիական տնտեսական հանձնաժողովի կոլեգիայի նախագահ։
2020-ից – Աշխատում է Եվրասիական զարգացման բանկի կառավարման խորհրդի նախագահի տեղակալի պաշտոնում։
Պարգևներ և ճանաչում
Պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։
Պարգևատրվել է «Անանիա Շիրակացի» մեդալով։
Ավելի քան 20 գիտական հոդվածների հեղինակ է։
Երևանի պետական տնտեսագիտական համալսարանի պատվավոր դոկտոր է։