ՀՀ դրամավարկային և ֆինանսական վիճակագրությունը կազմվում է համաձայն ՀՀ կենտրոնական բանկի կողմից մշակված «ՀՀ դրամավարկային և ֆինանսական վիճակագրություն ձեռնարկ»-ի , որը պատրաստված է Արժույթի միջազգային հիմնադրամի «Դրամավարկային և ֆինանսական վիճակագրության ձեռնարկ և կազմման ուղեցույց»-ում (2016թ.) ներկայացված մեթոդաբանության և սկզբունքների հիման վրա։ Դրամավարկային և ֆինանսական վիճակագրության հավաքագրման, կազմման և տարածման չափանիշները ներկայացված են «ՀՀ կենտրոնական բանկի վիճակագրության կազմակերպման կանոններում»:
Դրամավարկային և ֆինանսական վիճակագրությունը կազմվում է ՀՀ կենտրոնական բանկի տվյալների և Կենտրոնական բանկին հաշվետու սուբյեկտներից (ՀՀ ֆինանսական համակարգի բոլոր սուբյեկտները) ստացված հաշվետվությունների հիման վրա: Նշված տեղեկատվության հիման վրա կազմվում և հրապարակվում են դրամավարկային ցուցանիշները, ՀՀ ավանդային կազմակերպությունների, այդ թվում ՀՀ կենտրոնական բանկի, առևտրային բանկերի և վարկային կազմակերպությունների ամփոփ ցուցանիշները, վարկերի և ավանդների, ինչպես նաև ֆինանսական շուկայի վերաբերյալ վիճակագրությունը։