Կենտրոնական բանկ

Վերաֆինանսավորման տոկոսադրույքը բարձրացվել է 0.25 տոկոսային կետով՝ սահմանվելով 7.00 տոկոս

2008 թ. հունիսի 3-ի նիստում ԿԲ խորհուրդը վերաֆինանսավորման տոկոսադրույքը բարձրացրեց 0.25 տոկոսային կետով՝ սահմանելով այն 7.00%:

2008 թ. մայիսին ապրիլի նկատմամբ արձանագրվել է  1.3% գնաճ, որի պարագայում 12-ամսյա գնաճը կազմել է 9.9%: Թեև այն 0.8  տոկոսային կետով նվազել է ապրիլին  արձանագրված համանման մակարդակից, սակայն շարունակում է գերազանցել նպատակային թիրախի վերին սահմանը 4.4 տոկոսով:

ԿԲ խորհուրդը արձանագրեց, որ չնայած արտաքին միջավայրից եկող գնաճային ճնշումների թուլացման միտումների առկայությանը, որն արտահայտվել է պարենային ապրանքների, մասնավորապես հացահատիկի և բրնձի միջազգային գների  նվազմամբ, նավթամթերքի գները շարունակում են բարձր մնալ` պահպանելով աճի պոտենցիալը: Լրացուցիչ գնաճային ռիսկեր են պարունակում նաև համախառն պահանջարկի ակնկալվող աճի տեմպերը և արտաքին գնաճային ճնշումների դեռևս շարունակվող երկրորդային ազդեցությունների դրսևորումները:

Կարևորելով գնաճային սպասումների մեղմման և նպատակային թիրախից շեղումների նվազեցման խնդիրները` ԿԲ խորհուրդը համակարծիք է, որ Կենտրոնական բանկի վերաֆինանսավորման տոկոսադրույքի հետագա ճշգրտումը պայմանավորված կլինի առաջիկա ամիսներին համաշխարհային շուկաներում պարենային ապրանքների գների վերոնշյալ միտումներին ներքին գների արձագանքման արագությամբ և չափով: