Արթուր Ջավադյանն ընդունել է ԱՄՆ Դաշնային Պահուստային Համակարգի Տնօրենների խորհրդի բանկային վերահսկողության եւ կարգավորման դեպարտամենտի խորհրդատու Սարգիս Յոգուրջյանին
Արթուր Ջավադյանն ընդունել է ԱՄՆ Դաշնային Պահուստային Համակարգի Տնօրենների խորհրդի բանկային վերահսկողության եւ կարգավորման դեպարտամենտի խորհրդատու Սարգիս Յոգուրջյանին
Այսօր ԿԲ նախագահ Արթուր Ջավադյանը ընդունել է ԱՄՆ Դաշնային Պահուստային Համակարգի Տնօրենների խորհրդի բանկային վերահսկողության եւ կարգավորման դեպարտամենտի խորհրդատու Սարգիս Յոգուրջյանին: Նա Հայաստան է ժամանել Դաշնային Պահուստային Համակարգի և ՀՀ կենտրոնական բանկի կողմից համատեղ կազմակերպվող «Ռիսկերի վրա հիմնված վերահսկողություն եւ ռիսկերի գնահատում» թեմայով հերթական սեմինարի անցկացման կապակցությամբ: Այն Հայաստանում կազմակերպվող հերթական տարածաշրջանային բնույթի դասընթացն է՝ ԱՊՀ և Արեւելյան Եվրոպայի երկրների կենտրոնական բանկերի մասնագետների մասնկացությամբ:
Ողջունելով հյուրին՝ ԿԲ նախագահը նշել է, որ Սարգիս Յոգուրջյանը Հայաստանի անկախությունից ի վեր մշտապես աջակցել է Հայաստանի Հանրապետության ֆինանսական համակարգի կայացմանը եւ միջազգային կառույցներում ինտեգրմանը: ԿԲ նախագահը, մասնավորապես, կարևորել է պարոն Յոգուրջյանի օժանդակությունը ՀՀ կենտրոնական բանկին՝ բանկային վերահսկողական միջազգային չափանիշների ներդրման, ինչպես նաեւ աշխատակիցների կրթման եւ վերապատրաստման գործում:
Պարոն Յոգուրջյանը բարձր է գնահատել Կենտրոնական բանկի հետ իր երկարամյա եւ արդյունավետ համագործակցությունը: Նա իր պատրաստակամությունն է հայտնել հետագայում ևս օժանդակել ԿԲ մասնագետների համար վերապատրաստման դասընթացներ կազմակերպելուն, ինչպես նաև հույս հայտնել, որ Հայաստանում անցկացվող տարածաշրջանային սեմինարները կկրեն շարունակական բնույթ եւ կներգրավեն մասնակիցների ավելի լայն շրջանակ:
Հանդիպման վերջում, Հայաստանի Հանրապետության ֆինանսական համակարգի կայացման, ինչպես նաեւ միջազգային կառույցներում ինտեգրման գործում աջակցություն ցուցաբերելու համար, ԿԲ նախագահը Սարգիս Յոգուրջյանին հանձնել է պատվոգիր: