Անց է կացվել դասընթաց աուդիտորական, հաշվապահական ընկերությունների աշխատակիցների և ՀՀ ֆինանսների նախարարության ներկայացուցիչների համար
Սույն թվականի սեպտեմբերի 29-ին ՀՀ ԿԲ ֆինանսական դիտարկումների կենտրոնի կողմից անց է կացվել դասընթաց՝ աուդիտորական, հաշվապահական ընկերությունների աշխատակիցների և ՀՀ ֆինանսների նախարարության ներկայացուցիչների համար: Դասընթացի շրջանակներում մասնակիցներին ներկայացվել են թեմաներ ՓԼ/ԱՖ բարձր ռիսկի և կասկածելիության չափանիշների, ՓԼ/ԱՖ դեմ պայքարի ոլորտում առկա միջազգային պատժամիջոցների, առցանց ուսուցման համակարգի և դրա հնարավորությունների, ինչպես նաև ՓԼ/ԱՖ դեմ պայքարի ոլորտի այլ զարգացումների վերաբերյալ:
Բացի դրանից իրականացվել են նաև գործնական առաջադրանքներ՝ պրակտիկ օրինակներով մասնակիցներին ներկայացնելով գործարքները կամ գործարար հարաբերությունները կասկածելի որակելու և հաշվետվություն տրամադրելու գործընթացը և այլն: Դասընթացը կրելու է շարունակական բնույթ՝ նպատակ ունենալով բոլոր հաշվետվություն տրամադրող անձանց իրազեկել ՓԼ/ԱՖ դեմ պայքարի ոլորտում առկա զարգացումների վերաբերյալ: