Կենտրոնական բանկ

Դեկտեմբերի 25-ին Կենտրոնական բանկում տեղի ունեցավ տարեմուտի ավանդական ընդունելությունը՝ ամփոփելու գների ու ֆինանսական կայունության ապահովման մասով ձեռքբերումները և տարին ֆինանսական համակարգի համար: Միջոցառմանը ներկա էին ՀՀ նախագահ Վահագն Խաչատուրյանը, Ազգային ժողովի նախագահ Ալեն Սիմոնյանը, ԱԺ նախագահի տեղակալ Հակոբ Արշակյանը, փոխվարչապետեր Մհեր Գրիգորյանը և Տիգրան Խաչատրյանը, Կառավարության անդամներ, Ազգային ժողովի պատգամավորներ, ֆինանսական ոլորտի ներկայացուցիչներ և այլ հյուրեր։ Ընդունելության ընթացքում ԿԲ նախագահ Մարտին Գալստյանը հանդես է եկել ելույթով՝ ամփոփելով տարվա արդյունքները և անդրադառնալով Կենտրոնական բանկի առաջնահերթություններին գալիք տարվա համար:

Իր ելույթում ԿԲ նախագահ Մարտին Գալստյանը անդրադարձել է տարվա հիմնական ձեռքբերումներին՝ ընդգծելով, որ գլոբալ անորոշությունների պայմաններում Հայաստանին հաջողվել է պահպանել մակրոտնտեսական կայունությունը, ապահովել ցածր և կայուն գնաճ, ինչպես նաև ֆինանսական համակարգի կայուն զարգացում։

ԿԲ նախագահը շնորհավորել է ներկաներին գալիք տարվա առթիվ՝ մաղթելով խաղաղություն, կայունություն և նոր հնարավորություններ Հայաստանի համար՝ վստահեցնելով, որ Կենտրոնական բանկը շարունակելու է իր հետևողական աշխատանքը երկրի տնտեսական ամրապնդման և քաղաքացիների բարեկեցության բարձրացման ուղղությամբ։

Միջոցառմանը ելույթով հանդես է եկել նաև ՀՀ Նախագահ Վահագն Խաչատուրյանը, ով ընդգծել է տարվա ընթացքում մակրոտնտեսական քաղաքականությունների շարունակական արդյունավետ կոորդինացիայի շնորհիվ տնտեսության կայուն զարգացման ապահովումը:

Հաղորդագրությունից օգտվելու դեպքում հղումը սկզբնաղբյուրին պարտադիր է: