Կենտրոնական բանկ

Ս․ թ․ հուլիսի 21-22-ը ՀՀ կենտրոնական բանկի Դիլիջանի ուսումնահետազոտական կենտրոնում անցկացվել է սեմինար-հանդիպում «Հուշադրամների դիզայնը ու արտադրության տեխնոլոգիաները» թեմայով։

Սեմինար-հանդիպմանն իրենց աշխատանքային փորձով կիսվել են ՀՀ կենտրոնական բանկի Արժույթի թողարկման և դրամագիտության կենտրոնի մասնագետները, Նիդերլանդների արքայական դրամահատարանի խորհրդի անդամ, տնօրեն-կառավարիչ  տիկին Susan van Wijk-ը և խորհրդի անդամ, մարքեթինգի և վաճառքի գծով պատասխանատու պարոն Bert van Ravenswaaij-ը։ Քննարկվել են 2026 թ․ թողարկման ՀՀ հուշադրամների էսքիզների մոդելավորման և հատման յուրահատկությունները, հուշադրամների արտադրության ժամանակակից տեխնոլոգիաները, արժույթի թողարկման գործընթացին առնչվող հարցեր։

Սեմինար-հանդիպմանը մասնակցել են ՀՀ կենտրոնական բանկի ներկայացուցիչներ, ինչպես նաև ՀՀ հուշադրամների էսքիզների մրցույթներին բազմիցս մասնակցած և հաղթող ճանաչված դիզայներներ:

Հաղորդագրությունից օգտվելու դեպքում հղումը սկզբնաղբյուրին պարտադիր է: