Կենտրոնական բանկ

Ապրիլի 20-ին Դիլիջանի ուսումնահետազոտական կենտրոնում (ԴՈՒՀԿ) մեկնարկել է «Քաղաքականության մշակում և գնահատում» թեմայով համատեղ աշխատաժողովը, որը կազմակերպվել է Կենտրոնական բանկի և Մասաչուսեթսի տեխնոլոգիական ինստիտուտին (MIT) կից J-PAL հետազոտական կենտրոնի կողմից։

Աշխատաժողովը նպատակ ուներ խորացնել Կենտրոնական բանկի և պետական կառույցների մասնագետների գիտելիքներն ու հմտությունները տնտեսական քաղաքականության մշակման և գնահատման ոլորտում։ Աշխատաժողովի ընթացքում մասնակիցները հնարավորություն են ունեցել՝

• ծանոթանալու ազդեցության գնահատման փորձարարական և քվազիփորձարարական մեթոդներին,
• ուսումնասիրելու ծախսերի և օգուտների վերլուծության միջազգային լավագույն փորձը,
• համատեղ մշակելու քաղաքականության գաղափարներ և դրանց գնահատման շրջանակներ։

Աշխատաժողովին մասնակցել են Հայաստանի պետական և միջազգային մի շարք կառույցների ներկայացուցիչներ, այդ թվում՝ ՀՀ Կառավարությունից, Կենտրոնական բանկից, Ֆինանսների նախարարությունից, Էկոնոմիկայի նախարարությունից, Աշխատանքի և սոցիալական հարցերի նախարարությունից, Կրթության, գիտության, մշակույթի և սպորտի նախարարությունից, Պետական եկամուտների կոմիտեից, Հայաստանի տեղեկատվական համակարգերի գործակալությունից, ինչպես նաև United Nations Development Programme-ից և UNICEF Armenia-ից։

Հաղորդագրությունից օգտվելու դեպքում հղումը սկզբնաղբյուրին պարտադիր է: