Դիլիջանի ուսումնահետազոտական կենտրոնում կայացել է Կենտրոնական բանկի և Հայաստանի ամերիկյան համալսարանի տարեկան համատեղ հետազոտական աշխատաժողովը
25.11.2025
Նոյեմբերի 21-ին Դիլիջանի ուսումնահետազոտական կենտրոնում կայացավ Կենտրոնական բանկի և Հայաստանի ամերիկյան համալսարանի համատեղ տարեկան հետազոտական աշխատաժողովը, որն ուղղված էր ակադեմիական համայնքի և Կենտրոնական բանկի միջև հետազոտական համագործակցության խորացմանը։
Քննարկումների առանցքում էին այն թեմաները, որոնք անմիջականորեն առնչվում են ԿԲ օրակարգին, այդ թվում՝ դրամավարկային քաղաքականության շոկերի նույնականացումը և հաղորդակցումը, կենտրոնական բանկերի նկատմամբ վստահության և տնտեսական վարքագծի փոխազդեցությունը, ֆինանսական գրագիտության, կրթության և ներառականության ազդեցությունը, ինչպես նաև անկանխիկ գործարքների խթանների և հանրային քաղաքականությունների գնահատումը։
Կենտրոնական բանկը հավատարիմ է ձևավորելու հետազոտական գերազանցության միջավայր, որտեղ գիտական խորությունը և վերլուծական մշակույթը ուղղակիորեն աջակցում են փաստահեն քաղաքականության ձևավորմանը։ Շնորհակալություն ՀԱՀ գործընկերներին արդյունավետ երկխոսության և համագործակցության համար։
Հաղորդագրությունից օգտվելու դեպքում հղումը սկզբնաղբյուրին պարտադիր է: