Կենտրոնական բանկ

Ուղղված է՝ ՀՀ տարածքում գործող բոլոր ապահովագրական ընկերություններին

Առարկան՝ «Ապահովագրական ընկերությունների, վերաապահովագրական ընկերությունների հաճախորդների տեղեկատվական համակարգի (ապահովագրական ռեգիստրի) ստեղծման, Հայաստանի Հանրապետության տարածքում գործող ապահովագրական ընկերությունների, վերաապահովագրական ընկերությունների` ապահովագրական ռեգիստրին մասնակցության կարգի» վերաբերյալ

Ելնելով վերահսկողական նպատակներից, ինչպես նաև հաշվի առնելով ապահովագրական ընկերություններից ստացված առաջարկությունները ՀՀ Կենտրոնական բանկի 2007 թվականի նոյեմբերի 16-ի թիվ 364 Ն որոշմամբ հաստատված «Ապահովագրական ընկերությունների, վերաապահովագրական ընկերությունների հաճախորդների տեղեկատվական համակարգի (ապահովագրական ռեգիստրի) ստեղծման, Հայաստանի Հանրապետության տարածքում գործող ապահովագրական ընկերությունների, վերաապահովագրական ընկերությունների` ապահովագրական ռեգիստրին մասնակցության կարգի» վերաբերյալ հայտնում ենք հետևյալը`

«Հավելված 1»-ի «Փաստաթղթի գլխագիր» (1, 14, 19) աղյուսակում «Փաստաթղթի տեսակը» տողում ավելանում է «Ապահովագրական դեպքի մասին ծանուցում» փաստաթղթի տեսակը`

Փաստաթղթի տեսակը

ապահովագրական պայմանագիր, ապահովագրական դեպքի մասին ծանուցում, ապահովագրական դեպք, հատուցում:

պարտադիր

«Հավելված 1»-ի «Ֆիզիկական անձ» (3.1, 5.1, 11.1, 18.1), «Լիազորված վարորդի վերաբերյալ տվյալներ» (8.) և «Ապահովագրական դեպքի մասնակից ՏՄ վարորդի տվյալներ» (17.) աղյուսակների «Մարզ» դաշտում լրացվում է ֆիզիկական անձի բնակության վայրի (ոչ հաշվառման) մարզը:

«Հավելված 1»-ի «Ֆիզիկական անձ» (5.1, 11.1, 18.1) աղյուսակի «Անձնագիր» դաշտում լրացվում են Կառավարության 1999 թվականի դեկտեմբերի 22-ի թիվ 767 որոշմամբ հաստատված անձը հաստատող փաստաթղթերից որևէ մեկի հերթական համարը: «Ֆիզիկական անձ» (5.1, 11.1, 18.1) աղյուսակի «Մինչև երբ է ուժի մեջ» դաշտը լրացվում է անձը հաստատող փաստաթղթում համապատասխան տվյալի առկայության դեպքում:

«Հավելված 1»-ի «Իրավաբանական անձ» (3.2, 5.2, 11.2, 18.2) և «Օտարերկրյա պետություն» (3.4, 5.4, 11.4, 18.4) աղյուսակների «Գտնվելու վայրը» դաշտում լրացվում է իրավաբանական անձի գլխամասային գրասենյակի գրանցման հասցեն:

«Հավելված 1»-ի «Իրավաբանական անձ» (3.2, 5.2, 11.2, 18.2) և «Օտարերկրյա պետություն» (3.4, 5.4, 11.4, 18.4) աղյուսակների «Գործունեության վայրը» դաշտում լրացվում է իրավաբանական անձի գլխամասային գրասենյակի գործունեության հասցեն:

«Հավելված 1»-ի «Շահառու անձի վերաբերյալ տվյալներ» գլուխ 3-ի տեղեկատվությունը չի լրացվում ցամաքային ավտոտրանuպորտային միջոցների oգտագործումից բխող պատաuխանատվության ապահովագրություն դեպքում, քանի որ պատասխանատվության ապահովագրության դեպքում շահառու անձը նախապես հայտնի չէ:

«Հավելված 1»-ի «Տրանսպորտային միջոց» գլուխ 5-ի աղյուսակ 11-ի «Տեխնիկական անձնագիր», «Թափքի տեսակը», «Շարժիչի համարը», «Թափքի համարը», «VIN կոդը» և «Հզորությունը» դաշտերը լրացվում են տվյալ տրանսպորտային միջոցի տեխնիկական անձնագրում կամ ժամանակավոր վկայագրում այդ տեղեկությունների առկայության դեպքում:

Հավելված 1-ի 13-րդ կետը գործում է նաև 7-րդ կետի տեղեկատվության լրացման համար, քանի որ 13-րդ կետով սահմանված դեպքում կիրառվող սկզբունքը կիրառելի է նաև 7-րդ կետով սահմանված դեպքի համար (լիազորված վարորդների թիվը 10-ից ավելին լինելու դեպքում):

«Հավելված 1»-ի «Ֆիզիկական անձ» (3.1, 5.1, 11.1, 18.1), «Լիազորված վարորդի վերաբերյալ տվյալներ» (8.) և «Ապահովագրական դեպքի մասնակից ՏՄ վարորդի տվյալներ» (17.) աղյուսակների «Ռեզիդենտություն» դաշտերը լրացվում են այդ տեղեկությունների առկայության դեպքում:

Ապահովագրական ընկերությունը ապահովագրական դեպքի մասին ցանկացած եղանակով տեղեկանալուց հետո երեք օրվա ընթացքում ռեգիստր տեղեկատվություն է ներկայացնում ծանուցման վերաբերյալ: Այնուհետև՝ ապահովագրական դեպքի վերաբերյալ բոլոր փաստաթղթերի հավաքագրումից հետո երեք օրվա ընթացքում տեղեկատվություն է ներկայացնում ապահովագրական դեպքի վերաբերյալ: «Հավելված 1»-ի «Ապահովագրական դեպքի վերաբերյալ տվյալներ» աղյուսակից առաջ ավելանում է «Ապահովագրական դեպքի մասին ծանուցում» գլուխ հետևյալ բովանդակությամբ`

Ապահովագրական դեպքի վերաբերյալ ծանուցում

Փաստաթղթի գլխագիր

Անվանումը	Նկարագրությունը	Բնութագիրը
Ապահովագրական ընկերության կոդը	Լրացվում է ապահովագրական ընկերության կոդը	պարտադիր
Մասնաճյուղի կոդը	Լրացվում է մասնաճյուղի կոդը
Ռեգիստրի կոդը	Լրացվում է համապատասխան ռեգիստրի կոդը	պարտադիր
Փաստաթղթի տեսակը	ապահովագրական պայմանագիր, ապահովագրական դեպքի մասին ծանուցում, ապահովագրական դեպք, հատուցում:	պարտադիր
Փաստաթղթի ձևավորման ամսաթիվը	Լրացվում է ներկայացվող փաստաթղթի ձևավորման ամսաթիվը	պարտադիր
Փատաթուղթն ուղարկելու ամսաթիվը	Լրացվում է փաստաթուղթը ռեգիստր ուղարկելու ամսաթիվը	պարտադիր

Ապահովագրական դեպքի ծանուցման վերաբերյալ տվյալներ

Անվանումը	Նկարագրությունը	Բնութագիրը
Պայմանագրի համարը	Լրացվում է ապահովագրական ծանուցումն իրականացնող ապահովադրի պայմանագրի համարը	պարտադիր
Ապահովագրական դեպքի ծանուցման համարը	Լրացվում է ապահովագրական դեպքի ծանուցման համարը, ընդ որում ապահովագրական ընկերությունը համարակալում է ծանուցումները` պահպանելով համարների յուրօրինակությունը (ունիկալությունը):	պարտադիր
Ապահովագրական դեպքի մասին ծանուցում	Լրացվում է ապահովագրական դեպքի մասին ծանուցման ձևը՝ Հեռախոսազանգ, Դիմում, Փոստային հաղորդագրություն, Այլ:	պարտադիր
Ապահովագրական դեպքի մասին ծանուցման ամսաթիվը	Լրացվում է ապահովագրական դեպքի մասին ծանուցման ամսաթիվը:	պարտադիր
Ապահովագրական դեպքի մասին ծանուցման ժամը	Լրացվում է ապահովագրական դեպքի մասին ծանուցման ժամը:	պարտադիր

«Հավելված 1»-ի «Ապահովագրական դեպքի վերաբերյալ ընդհանուր տվյալները» աղյուսակում «Պայմանագրի համարը» դաշտից հետո ավելանում է նոր դաշտ՝

Ապահովագրական դեպքի ծանուցման համարը

Լրացվում է համապատասխան ծանուցման համարը:

պարտադիր

«Հավելված 1»-ի «Ապահովագրական դեպքի մասնակից ՏՄ վարորդի տվյալներ» (17) աղյուսակի «Վարորդի մեղավորություն» դաշտը լրացվում է մեղավորությունը հիմնավորող փաստաթղթերի առկայության դեպքում:

Ֆինանսական համակարգի քաղաքականության և վերլուծությունների վարչության պետ՝ Դավիթ Սարգսյան

Ֆինանսական համակարգի քաղաքականության և վերլուծությունների վարչություն
Լիգիա Ղազարյան