Կենտրոնական բանկ

Ուղղված է՝ ՀՀ տարածքում գործող բոլոր ապահովագրական ընկերություններին

Առարկան՝ «Ապահովագրական ընկերությունների, վերաապահովագրական ընկերությունների հաճախորդների տեղեկատվական համակարգի (ապահովագրական ռեգիստրի) ստեղծման, Հայաստանի Հանրապետության տարածքում գործող ապահովագրական ընկերությունների, վերաապահովագրական ընկերությունների` ապահովագրական ռեգիստրին մասնակցության կարգի» վերաբերյալ

Հայտնում ենք Ձեզ, որ համաձայն «Ապահովագրական ընկերությունների, վերաապահովագրական ընկերությունների հաճախորդների տեղեկատվական համակարգի (ապահովագրական ռեգիստրի) ստեղծման, Հայաստանի Հանրապետության տարածքում գործող ապահովագրական ընկերությունների, վերաապահովագրական ընկերությունների` ապահովագրական ռեգիստրին մասնակցության կարգ»-ի ապահովագրական ընկերությունները ՀՀ կենտրոնական բանկ պետք է ներկայացնեն համապատասխան հաշվետվություններ:

Վերոնշյալի կապակցությամբ տեղեկացնում ենք, որ 2008 թվականի փետրվարի 1-ից սկսած հաշվետվությունները պետք է ուղարկվեն ՀՀ Կենտրոնական բանկ CBANet ցանցի միջոցով: Մինչ այդ ժամանակահատվածը, ՀՀ տարածքում գործող բոլոր ապահովագրական ընկերությունները ՀՀ Կենտրոնական բանկ ներկայացվող հաշվետվությունները կարող են ներկայացնել ինտերնետով` հաշվետվությունների ներկայացման համակարգով առանց էլեկտրոնային ստորագրության կիրառման:

CBANet ցանցին միանալու համար անհրաժեշտ է կնքել համապատասխան պայմանագիր և ներկայացնել ԿԲ միացման հայտ: Այն կազմակերպությունները, որոնք չեն հասցնի միանալ CBANet ցանցին մինչև 2008թ. փետրվարի 1-ը, կգրանցվեն ԿԲ սերվերում և կարող են մուտքագրել իրենց հաշվետվությունները ԿԲ տարածքում տեղակայված տերմինալից: Նույնը վերաբերվում է նաև այն ընկերություններին, որոնք չեն ցանկանում միանալ CBANet ցանցին իրենց տարածքից ու պատրաստ են հաշվետվությունները մուտքագրել ԿԲ-ում տեղակայված տերմինալից: Տվյալ ծառայությունը տրամադրվում է անվճար, սակայն դրա համար նույնպես անհրաժեշտ է գրավոր դիմել ԿԲ և կնքել համապատասխան պայմանագիր:

Ֆինանսական համակարգի քաղաքականության և վերլուծությունների վարչության պետ՝ Դավիթ Սարգսյան

Ֆինանսական համակարգի քաղաքականության և վերլուծությունների վարչություն
Լիգիա Ղազարյան