Կենտրոնական բանկ

Ուղղված է՝ ՀՀ տարածքում գործող բոլոր բանկերին

Առարկան՝ IFRS–ի թեմայով դասընթացների վերաբերյալ

Հարգելի՛ պարոնայք,

Հայտնում ենք Ձեզ, որ ներկայումս ՀՀ ԱԺ-ում երկրորդ ընթերցման փուլում է գտնվում «Հաշվապահական հաշվառման մասին» ՀՀ օրենքում փոփոխություններ կատարելու մասին օրենքի նախագիծը, համաձայն որի` 2009 թվականի հունվարի 1-ից ՀՀ տարածքում գործող բանկերը հաշվապահական հաշվառումը վարելու են հաշվապահական հաշվառման միջազգային ստանդարտներին համապատասխան:

ՀՀ ֆինանսական համակարգում հաշվապահական հաշվառման միջազգային ստանդարտներին անցումը սահուն կերպով իրականացնելու նպատակով ՀՀ կենտրոնական բանկը նախատեսում է բանկերի գլխավոր հաշվապահների համար կազմակերպել դասընթացներ՝ հաշվապահական հաշվառման միջազգային ստանդարտների և ՀՀ ազգային ստանդարտների միջև առկա տարբերությունների վերաբերյալ:

Նախնական հաշվարկների համաձայն, 20 ժամ տևողությամբ դասընթացների արժեքը կազմում է մոտ 1.000.000 դրամ: Ակնկալում ենք նաև Ձեր մասնակցությունը դասընթացների ֆինանսավորմանը՝ յուրաքանչյուր մասնակցի համար 25.000 ՀՀ դրամ գումարի չափով:

Խնդրում ենք հայտնել Ձեր դիրքորոշումը և ակնկալում ենք Ձեր համագործակցությունը: 

Ֆինանսական համակարգի քաղաքականության և վերլուծությունների վարչության պետ՝ Վահե Վարդանյան           

Սույն գրության հետ կապված հարցերով կարող եք դիմել
Ֆինանսական համակարգի քաղաքականության և վերլուծությունների վարչություն
Արմեն Ֆահրադյանին