Կենտրոնական բանկ

Ուղղված է՝ ՀՀ տարածքում գործող բոլոր ապահովագրական ընկերություններին

Առարկան՝ «Ապահովագրական ընկերությունների ակտիվների դասակարգման և հնարավոր կորուստների պահուստների ձևավորման և օգտագործման կարգը» Կանոնակարգ 3/09-ի վերաբերյալ

Հաշվի առնելով բարձրացված հարցադրումները՝ հայտնում ենք հետևյալը.

1. Ապահովագրական գործակալների աշխատանքային պարտականությունների դիմաց ապահովագրական ընկերությունների կողմից ստանձնած պարտավորությունների գումարները (ապահովագրական գործակալների կողմից մասնագիտական անփութության հետևանքով հաճախորդներին պատճառված վնասի փոխհատուցման գումարները) պետք է արտացոլվեն ՀՀ ԿԲ խորհրդի 2007թ. հոկտեմբերի 2-ի թիվ 314Ն որոշմամբ հաստատված ապահովագրական ընկերությունների հաշվապահական հաշվառման հաշվային պլանի 8042 «Այլ պայմանական պարտավորություններ» հաշվում: Այս հաշվում արտացոլված գումարները պետք է դասակարգվեն և պահուստավորվեն համաձայն ՀՀ կենտրոնական բանկի 2008 թվականի մարտի 25-ի 73 Ն որոշմամբ հաստատված «Ապահովագրական ընկերությունների ակտիվների դասակարգման և հնարավոր կորուստների պահուստների ձևավորման և օգտագործման կարգը» կանոնակարգ 3/09-ի: Պահուստավորված գումարները պետք է ցույց տրվեն ՀՀ ԿԲ խորհրդի 2007 թ. հոկտեմբերի 2-ի թիվ 314Ն որոշմամբ հաստատված ապահովագրական ընկերությունների հաշվապահական հաշվառման հաշվային պլանի 3652 «Այլ պահուստներ» հաշվում:
2. Ապահովագրական ընկերությունների՝ ակտիվների հնարավոր կորուստների պահուստների հակադարձումից եկամուտները պետք է արտացոլվեն ՀՀ ԿԲ խորհրդի 2007 թվականի նոյեմբերի 11-ի թիվ 366 Ն որոշմամբ հաստատված Կանոնակարգ 3/04-ի «Եկամուտների և ծախսերի վերաբերյալ» թիվ 5 հաշվետվության «Ակտիվների հնարավոր կորուստների (անհավաքագրելիության) պահուստին հատկացումներ» 11-րդ տողում: Այսինքն՝ վերոգրյալ տողերում պետք է ցույց տրվեն ակտիվների հնարավոր կորուստների պահուստներին կատարված զուտ մասհանումները (հատկացումներ հանած վերադարձներ):

Ֆինանսական համակարգի քաղաքականության ու վերլուծությունների վարչության պետ՝ Վահե Վարդանյան

Ֆինանսական համակարգի քաղաքականության ու վերլուծությունների վարչություն
Գայանե Գասպարյան