Կենտրոնական բանկ

Ուղղված է՝ ՀՀ տարածքում գործող արժեթղթերի շուկայում մասնագիտացված գործունեություն իրականացնող անձանց

Առարկան՝ «Արժեթղթերի շուկայի մասին» ՀՀ օրենքի ուժի մեջ մտնելուց հետո վերագրանցման և վերալիցենզավորման մասին

Տեղեկացնում ենք, որ «Արժեթղթերի շուկայի մասին» ՀՀ օրենքն (այսուհետ՝ Օրենք) ուժի մեջ է մտել 2008 թվականի փետրվարի 29-ին: Համաձայն Օրենքի 222-րդ հոդվածի 17-րդ մասի՝ ՀՀ տարածքում գործող արժեթղթերի շուկայում մասնագիտացված գործունեություն իրականացնող անձը պետք է վերագրանցվի և վերալիցենզավորվի 2008 թվականի փետրվարի 29-ից սկսած չորս ամսվա ընթացքում:

Միաժամանակ հայտնում ենք, որ համաձայն Օրենքի 37-րդ հոդվածի 3-րդ մասի՝ ՀՀ կենտրոնական բանկը գրանցում և լիցենզավորում է ներդրումային ընկերությանը կամ մերժում է գրանցումը և լիցենզավորումը դիմումը ներկայացնելու պահից՝ մեկ ամսվա ընթացքում: Այսինքն՝ ՀՀ տարածքում գործող արժեթղթերի շուկայում մասնագիտացված գործունեություն իրականացնող անձինք, որոնք դիմելու են ՀՀ կենտրոնական բանկ որպես ներդրումային ընկերություն վերագրանցվելու և վերալիցենզավորվելու համար, պետք է անհրաժեշտ փաստաթղթերը ներկայացնեն ՀՀ կենտրոնական բանկ Օրենքի 222-րդ հոդվածի 17-րդ մասով սահմանված ժամկետի ավարտից առնվազն մեկ ամիս առաջ:  

Իրավաբանական վարչության պետ՝ Վարուժան Ավետիքյան

Իրավաբանական վարչություն Տիրայր Վարդազարյան