Կենտրոնական բանկ

Ուղղված է՝

• Հայաստանի Հանրապետության տարածքում գործող բանկերին,
• վարկային կազմակերպություններին,
• ապահովագրական ընկերություններին,
• ապահովագրական բրոքերներին,
• ներդրումային ընկերություններին,
• վճարահաշվարկային կազմակերպություններին,
• «Հայաստանի ավտոապահովագրողների բյուրոե ԻԱՄ-ին,
• «ՆԱՍԴԱՔ ՕԷՄԷՔՍ ԱՐՄԵՆԻԱե ԲԲԸ-ին,
•  «Հայաստանի կենտրոնական դեպոզիտարիաե ԲԲԸ-ին,
• «ԿԱՊԻՏԱԼ ԱՍԵԹ ՄԵՆԵՋՄԵՆԹե ՓԲԸ-ին:

Հայտնում ենք, որ ՀՀ կենտրոնական բանկի կողմից մշակվել է ֆինանսական կազմակերպությունների ղեկավարների գրանցման միջնորդագրերի ՀՀ կենտրոնական բանկ ներկայացման նոր՝ առցանց համակարգ: Համակարգի փորձնական շահագործումից հետո  ղեկավարների գրանցման փաստաթղթերը պետք է ՀՀ կենտրոնական բանկ ներկայացվի միայն առցանց համակարգով: Համակարգի փորձնական շահագործումը նախատեսվում է սկսել ս.թ. սեպտեմբերի 30-ից:

Համաձայն նոր՝ առցանց համակարգի, ղեկավար պաշտոնում գրանցվելու համար ֆինանսական կազմակերպությունների կողմից միջնորդագրերը ՀՀ կենտրոնական  բանկ  պետք է  ներկայացվի հետևյալ գործընթացով.

1. Միջնորդագիրը լրացվելու է ֆինանսական կազմակերպության համապատասխան պաշտոնում գրանցման ներկայացվող ղեկավարի թեկնածուի (այսուհետ` Ղեկավար) կողմից՝ http://petition-file.cba.am/Users/usr/cflk.aspx հասցեում: Ընդ որում գրանցվող ղեկավարին ֆինանսական կազմակերպության կողմից պետք է տրամադրվի օգտագործողի անուն և ծածկագիր:

2. Միջնորդագիրը մինչ ՀՀ կենտրոնական բանկ ներկայացնելը պետք է հաստատվի Ֆինանսական կազմակերպության՝ միջնորդագրերը հաստատելու իրավասություն ունեցող պատասխանատու աշխատակցի կողմից՝ http://petition-file.cba.am/Supervisers/SVR/svmm.aspx հասցեում: Նշված աշխատակիցներին ՀՀ կենտրոնական բանկի կողմից կտրամադրվի  օգտագործողի անուն և ծածկագիր:

30.09-30.11.2013թթ. ընկած ժամանակահատվածում  Ղեկավարների գրանցման միջնորդագրերն անհրաժեշտ է ներկայացնել զուգահեռաբար ներկայումս գործող օրենսդրության համապատասխան՝ Excel ֆորմատով, CBANet համակարգով, Licensing հասցեով, և նոր՝ առցանց եղանակով: Ընդ որում, փորձնական շահագործման ընթացքում պաշտոնական է համարվելու գործող Կանոնակարգերով սահմանված՝ Excel ֆորմատով, CBANet համակարգով, Licensing հասցեով ներկայացված տարբերակը:

Ելնելով վերոգրյալից խնդրում ենք մինչև ս.թ. սեպտեմբերի 6-ը ՀՀ կենտրոնական բանկ ներկայացնել Ձեր կազմակերպության՝ պատասխանատու աշխատակցների (առնվազն 2 անձ) վերաբերյալ ներքոհիշյալ տեղեկատվությունը, վերջիններիս ՀՀ կենտրոնական բանկի կողմից միջնորդագրերը հաստատելու իրավասություն տրամադրլու համար՝

1. Անուն, Ազգանուն (հայերեն),
2. Օգտագործողի նախընտրելի անուն (User Name),
3. Աշխատանքային էլեկտրոնային փոստի հասցե:

Միաժամանակ հայտնում ենք, որ սույն թվականի սեպտեմբերի 9-ից 24-ն ընկած ժամանակահատվածում ՀՀ կենտրոնական բանկի կողմից կկազմակերպվի գործընթացի վերաբերյալ սեմինար, որի մասին Ձեզ լրացուցիչ կտեղեկացվի:

Համակարգի ներդրման արդյունավետությունն ապահովելու նպատակով ակնկալում ենք Ձեր դիտողություններն ու առաջարկությունները:

Հարգանքով`

Իրավաբանական վարչության պետ`  Վարուժան Ավետիքյան