Կենտրոնական բանկ

Ուղղված է` ՀՀ տարածքում գործող բանկերին

Առարկան՝ Ավանդների հատուցման երաշխավորման պայմանների և կարգի մասին ավանդատուներին ծանուցելու վերաբերյալ

Հարգելի՛ տիկնայք և պարոնայք,

Հաշվի առնելով, որ 2010 թվականի հուլիսի 24-ին ուժի մեջ է մտել «Ֆիզիկական անձանց բանկային ավանդների հատուցումը երաշխավորելու մասին Հայաստանի Հանրապետության օրենքում»  փոփոխություններ և լրացումներ կատարելու մասին ՀՀ օրենքը (ընդունված` 24.06.2010)` առաջարկում ենք «Ավանդների հատուցման երաշխավորման պայմանների և կարգի մասին ծանուցման օրինակելի ձևը»  համապատասխանեցնել վերոնշյալ օրենքի պահանջներին: 

Միևնույն ժամանակ հայտնում ենք, որ Հայաստանի Հանրապետության կենտրոնական բանկի խորհրդի 2010 թվականի օգոստոսի 3-ի 197-Ն որոշմամբ անհրաժեշտ փոփոխություններ են կատարվել Հայաստանի Հանրապետության  կենտրոնական բանկի խորհրդի 2005 թվականի մարտի 15-ի Ավանդների հատուցման երաշխավորման պայմանների և կարգի մասին հանձնվող ծանուցման օրինակելի ձևը հաստատելու մասին թիվ 116-Ն որոշման մեջ: Մինչև վերոնշյալ որոշման ուժի մեջ մտնելը նպատակահարմար ենք համարում նոր բացվող ավանդների համար կամ արդեն իսկ բացված ավանդների պայմանագրերը վերանայելիս ավանդատուներին ծանուցել երաշխավորված ավանդի նոր առավելագույն սահմանաչափերի վերաբերյալ:

Ֆինանսական համակարգի քաղաքականության և ֆինանսական կայունության վարչության պետ` Վահե Վարդանյան   

Սույն գրության հետ կապված հարցերով կարող եք դիմել 
Ֆինանսական համակարգի քաղաքականության և ֆինանսական կայունության վարչություն
Մարիամ Եղիազարյանին