Կենտրոնական բանկ

Ուղղված է` ՀՀ տարածքում գործող բանկերին

Առարկան՝ «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում տրամադրված վարկային ռեսուրսների և վարկային ռիսկի հաշվարկում վարկանիշների կիրառման վերաբերյալ

Հարգելի՛ տիկնայք և պարոնայք,

1. Տեղեկացնում ենք, որ «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում վարկային ռեսուրսների առևտրի արդյունքում տրամադրված միջոցները (օվերնայթ) «Բանկերի գործունեության կարգավորումը, բանկային գործունեության հիմնական տնտեսական նորմատիվները» կանոնակարգ 2-ի իմաստով չեն համարվում բարձր իրացվելի ակտիվներ և չեն կարող մասնակցել իրացվելիության նորմատիվների (Ն2¹ և Ն2²) հաշվարկին, քանի որ Կանոնակարգ 2-ի 34.1-34.8-րդ կետերում նշված բարձր իրացվելի ակտիվների կազմում վերը նշված օվերնայթի պայմանագրերով տրված վարկերը ընդգրկված չեն:
2. Համաձայն ՀՀ կենտրոնական բանկի խորհրդի 2007 թվականի փետրվարի 9-ի թիվ 39 Ն որոշմամբ հաստատված որոշման Վարկային ռիսկի հաշվարկը¦ հավելված 3-ի 32-րդ կետի` միևնույն պահանջի համար երեք և ավելի վարկանիշների առկայության դեպքում բանկը պետք է հիմք ընդունի երկու ամենաբարձր վարկանիշներից առավել ցածր վարկանիշը:

Հայտնում ենք, որ այն դեպքերում, երբ միևնույն պահանջի գծով առկա երեք վարկանիշներից երկուսին համապատասխանող ռիսկի կշիռները հավասար են, ապա բանկերը, հաշվի առնելով վերը նշված 32-րդ կետի պահանջը, պետք է հիմք ընդունեն հավասար ռիսկի կշիռ ունեցող վարկանիշներին համապատասխանող ռիսկի կշիռը:

Ֆինանսական համակարգի քաղաքականության և ֆինանսական կայունության վարչության պետ` Վահե Վարդանյան    

Սույն գրության հետ կապված հարցերով կարող եք դիմել Ֆինանսական համակարգի քաղաքականության և ֆինանսական կայունության վարչություն Դավիթ Բաբասյանին