ՀՆԱ-ի ճեղքի գնահատման կառուցվածքային և ոչ կառուցվածքային մոտեցումները ՀՀ տնտեսության համար
ԱՓ 08/10-02
Հայաստանի Հանրապետության
կենտրոնական բանկ
Աշխատանքային Փաստաթուղթ
Դրամավարկային Քաղաքականության Վարչություն
ՀՆԱ-ի ճեղքի գնահատման կառուցվածքային և ոչ կառուցվածքային մոտեցումները
ՀՀ տնտեսության համար
Քնարիկ Այվազյան
Համառոտագիր
Գնաճի նպատակադրման ռազմավարության ներքո գնաճի կառավարման գործընթացն առավել արդյունավետ իրականացնելու, կայուն տնտեսական աճի ապահովմանը չխոչընդոտելու և գնաճային ճնշումներ թույլ չտալու առումով խիստ կարևորվում է իրական ՀՆԱ-ի փաստացի և պոտենցիալ մակարդակների տարբերության կամ ՀՆԱ ճեղքի գնահատումը: Սույն աշխատության նպատակը ՀՀ տնտեսության համար ՀՆԱ-ի ճեղքի գնահատումն է կառուցվածքային (կառուցվածքային վեկտոր-ավտոռեգրեսիվ մեթոդ (SVAR), արտադրական ֆունկցիայի գնահատում (PF) և չդիտարկվող փոփոխականի բազմաչափ ֆիլտրեր (MVUC)) և ոչ կառուցվածքային (Հոդրիկ-Պրեսքոթ ֆիլտր (HP), Բաքստերի և Քինգի կողմից կիրառվող Միջակայքերի փոփոխման ֆիլտր (BK) և միաչափ ֆիլտրեր (UC)) մեթոդների հիման վրա, որը կարող է օգտագործվել ՀՀ ԿԲ Եռամսյակային կանխատեսումների մոդելում՝ նպաստելով մոդելի բարելավմանը և ընթացիկ տնտեսական զարգացումներին համապատասխան դրամավարկային քաղաքականության իրականացմանը:
Չնայած կիրառված մեթոդների տարբերություններին`գնահատման արդյունքները ցույց են տվել, որ այլընտրանքային ինը մեթոդների հիման վրա հաշվարկված իրական ՀՆԱ ճեղքի վարքագծերը գրեթե նույնն են և համահունչ են 1999-2010թթ. տնտեսական զարգացումներին: