Կենտրոնական բանկ

Հայաստանի Հանրապետության
 կենտրոնական բանկի նախագահ

Որոշում թիվ 1/8 Ա

07.01.2026

«ԿԱՄՈՒՐՋ» ունիվերսալ վարկային կազմակերպություն փակ բաժնետիրական ընկերության պարտատոմսերի ծրագրային ազդագիրը գրանցելու մասին

«ԿԱՄՈՒՐՋ» ՈՒՎԿ ՓԲԸ-ն 2025 թվականի դեկտեմբերի 1-ին Հայաստանի Հանրապետության կենտրոնական բանկ է ներկայացրել մինչև 2,000,000,000 (երկու միլիարդ) ՀՀ դրամ ընդհանուր ծավալով՝ 40,000 (քառասուն հազար) հատ, 50,000 (հիսուն հազար) ՀՀ դրամ անվանական արժեքով անվանական, արժեկտրոնային պարտատոմսերի ծրագրային ազդագրի գրանցման հայտ, ինչպես նաև համապատասխան ազդագիրը և «Արժեթղթերի շուկայի մասին» Հայաստանի Հանրապետության օրենքով և Հայաստանի Հանրապետության կենտրոնական բանկի խորհրդի 2008 թվականի մարտի 11-ի թիվ 68Ն որոշմամբ հաստատված «Ազդագիր և հաշվետու թողարկողների հաշվետվություններ» կանոնակարգ 4/04-ով ազդագրի գրանցման համար պահանջվող բոլոր փաստաթղթերը:
«ԿԱՄՈՒՐՋ» ՈՒՎԿ ՓԲԸ-ն 2025 թվականի դեկտեմբերի 26-ին Հայաստանի Հանրապետության կենտրոնական բանկ է ներկայացրել նաև ծրագրային ազդագրի լրացում:
Ելնելով վերոգրյալից և հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, «Արժեթղթերի շուկայի մասին» Հայաստանի Հանրապետության օրենքի 10-րդ հոդվածը և Հայաստանի Հանրապետության կենտրոնական բանկի լիցենզավորման և վերահսկողության կոմիտեի եզրակացությունը (2026 թվականի հունվարի 7-ի թիվ 01 արձանագրություն)`

Ո ր ո շ ու մ ե մ.

1. Գրանցել «ԿԱՄՈՒՐՋ» ՈՒՎԿ ՓԲԸ-ի կողմից 2025 թվականի դեկտեմբերի 1-ին Հայաստանի Հանրապետության կենտրոնական բանկ ներկայացված անվանական, արժեկտրոնային պարտատոմսերի ծրագրային ազդագիրը:
2. Սույն որոշումն ուժի մեջ է մտնում «ԿԱՄՈՒՐՋ» ՈՒՎԿ ՓԲԸ մուտքագրվելու կամ «ԿԱՄՈՒՐՋ» ՈՒՎԿ ՓԲԸ՝ սահմանված կարգով լիազորված անձին հանձնելու օրվան հաջորդող օրվանից։

ՄԱՐՏԻՆ ԳԱԼՍՏՅԱՆ