Կենտրոնական բանկ

Հայաստանի Հանրապետության
 կենտրոնական բանկի նախագահ

Որոշում թիվ 1/552 Ա

26.07.2019

«Մանի Կրեդիտ» ՍՊԸ գրավատան վարկավորման  ընդհանուր պայմանների փոփոխությանը համաձայնություն տալու վերաբերյալ

Ուսումնասիրելով Մանի Կրեդիտ» ՍՊԸ (այսուհետև՝ նաև գրավատուն) կողմից 2019 թվականի հուլիսի 18-ին Հայաստանի Հանրապետության կենտրոնական բանկ ներկայացված գրավատան կողմից իրականացվող վարկավորման ընդհանուր պայմաններում առաջարկվող փոփոխությունները և հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, 18-րդ հոդվածի 4-րդ մասի «է¹» կետը, «Իրավական ակտերի մասին» Հայաստանի Հանրապետության օրենքի 16-րդ հոդվածի 5-րդ մասը, «Գրավատների և գրավատնային գործունեության մասին» Հայաստանի Հանրապետության օրենքի 5-րդ հոդվածի 4-րդ մասը՝

ՈՐՈՇՈՒՄ ԵՄ՝

1. Համաձայնություն տալ «Մանի Կրեդիտ» ՍՊԸ գրավատան կողմից 2019 թվականի հուլիսի 18-ին Հայաստանի Հանրապետության կենտրոնական բանկ ներկայացված վարկավորման ընդհանուր պայմանների փոփոխությանը:
2. Սույն որոշումն ուժի մեջ է մտնում ստորագրման պահից:

 ՆԱԽԱԳԱՀԻ ՏԵՂԱԿԱԼ                       ՆԵՐՍԵՍ ԵՐԻՑՅԱՆ