«ԻՆԵԿՈԲԱՆԿ» փակ բաժնետիրական ընկերության արժեկտրոնային պարտատոմսերի ծրագրային ազդագիրը գրանցելու մասին
Հայաստանի Հանրապետության
կենտրոնական բանկի նախագահ
Որոշում թիվ 1/448 Ա
03.07.2019
«ԻՆԵԿՈԲԱՆԿ» փակ բաժնետիրական ընկերության արժեկտրոնային պարտատոմսերի ծրագրային ազդագիրը գրանցելու մասին
«ԻՆԵԿՈԲԱՆԿ» ՓԲԸ-ն 2019 թվականի հունիսի 13-ին Հայաստանի Հանրապետության կենտրոնական բանկ է ներկայացրել
- 20,000,000 ԱՄՆ դոլար ծավալով,
- 3,500,000,000 ՀՀ դրամ ծավալով
արժեկտրոնային պարտատոմսերի ծրագրային ազդագրի գրանցման հայտ, ինչպես նաև համապատասխան ազդագիրը և «Արժեթղթերի շուկայի մասին» Հայաստանի Հանրապետության օրենքով և Հայաստանի Հանրապետության կենտրոնական բանկի նորմատիվ իրավական ակտով ազդագրի գրանցման համար պահանջվող բոլոր փաստաթղթերը:
Ելնելով վերոգրյալից և հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, «Արժեթղթերի շուկայի մասին» Հայաստանի Հանրապետության օրենքի 10-րդ հոդվածը և Հայաստանի Հանրապետության կենտրոնական բանկի լիցենզավորման և վերահսկողության հանձնաժողովի եզրակացությունը (2019 թվականի հուլիսի 3-ի թիվ 29 արձանագրություն)`
ՈՐՈՇՈՒՄ ԵՄ.
1. Գրանցել «ԻՆԵԿՈԲԱՆԿ» ՓԲԸ-ի կողմից 2019 թվականի հունիսի 13-ին ներկայացված
- 20,000,000 ԱՄՆ դոլար ծավալով,
- 3,500,000,000 ՀՀ դրամ ծավալով
արժեկտրոնային պարտատոմսերի ծրագրային ազդագիրը:
2. Սույն որոշումը ուժի մեջ է մտնում ստորագրմանը հաջորդող օրվանից:
ՆԱԽԱԳԱՀԻ ՏԵՂԱԿԱԼ ՆԵՐՍԵՍ ԵՐԻՑՅԱՆ