Հայաստանի ավտոապահովագրողների բյուրոյի կանոնների փոփոխությունները գրանցելու վերաբերյալ
Հայաստանի Հանրապետության
կենտրոնական բանկի նախագահ
Որոշում թիվ 1/404 Ա
19.06.2019
Հայաստանի ավտոապահովագրողների բյուրոյի կանոնների փոփոխությունները գրանցելու վերաբերյալ
Հիմք ընդունելով «Հայաստանի Հանրապետության կենտրոնական բանկի մասին» ՀՀ օրենքի 18-րդ հոդվածի 4-րդ մասի «է1» կետը, «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» ՀՀ օրենքի 37-րդ հոդվածի 2-րդ մասը և Հայաստանի Ավտոապահովագրողների Բյուրոյի (այսուհետ՝ Բյուրո) կողմից 2019 թվականի հունիսի 6-ին Հայաստանի Հանրապետության կենտրոնական բանկ ներկայացված թիվ Բ/19-04039 միջնորդագիրը, ինչպես նաև հաշվի առնելով ՀՀ կենտրոնական բանկի լիցենզավորման և վերահսկողության հանձնաժողովի (19.06.2019թ. թիվ 26 արձանագրություն) եզրակացությունը,
ՈՐՈՇՈՒՄ ԵՄ՝
1. Գրանցել Բյուրոյի խորհրդի 2019 թվականի մայիսի 27-ի թիվ 25-Լ որոշմամբ հաստատված «ԱՊՊԱ ոլորտում փորձագետների և վերանորոգող կազմակերպությունների որակավորման» RL 1-003 կանոններում կատարված փոփոխությունները ու լրացումները:
2. Սույն որոշումն ուժի մեջ է մտնում ստորագրման օրվանից:
ԱՐԹՈՒՐ ՋԱՎԱԴՅԱՆ