Կենտրոնական բանկ

Հայաստանի Հանրապետության
 կենտրոնական բանկի նախագահ

Որոշում թիվ 1/132 Ա

13.03.2019

«ՎՏԲ-Հայաստան Բանկ» ՓԲԸ ղեկավարների կազմում կատարված փոփոխությունները գրանցելու վերաբերյալ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 18-րդ հոդվածի 4-րդ մասի «Է.1» կետը, «Բանկերի և բանկային գործունեության մասին» ՀՀ օրենքի 33-րդ հոդվածը, Հայաստանի Հանրապետության կենտրոնական բանկի խորհրդի 2005 թվականի ապրիլի 12-ի թիվ 145 Ն որոշմամբ հաստատված «Բանկային գործունեության ոլորտում լիցենզավորման, գրանցման, համաձայնության և թույլտվության տրամադրման, մասնագիտական համապատասխանության ստուգման և որակավորման կարգերը» կանոնակարգ 1-ի 226-րդ կետը, Հայաստանի Հանրապետության կենտրոնական բանկի լիցենզավորման և վերահսկողության հանձնաժողովի (13.03.2019թ. արձանագրություն թիվ 11) եզրակացությունը և հաշվի առնելով «ՎՏԲ-Հայաստան Բանկ» փակ բաժնետիրական ընկերության 15.02.2019թ. և 01.03.2019թ. միջնորդագրերը.

ՈՐՈՇՈՒՄ ԵՄ՝

1. «ՎՏԲ-Հայաստան Բանկ» փակ բաժնետիրական ընկերության տնօրինության անդամի պաշտոնում գրանցված Սոֆյա Մաճկալյանին գրանցել նաև գլխավոր տնօրենի - տնօրինության նախագահի տեղակալի պաշտոնում:
2. «ՎՏԲ-Հայաստան Բանկ» փակ բաժնետիրական ընկերության Ագարակ մասնաճյուղի կառավարչի պաշտոնում գրանցել Արծրուն Գալստյանին:
3. Սույն որոշումն ուժի մեջ է մտնում ստորագրման օրվանից:

ՆԱԽԱԳԱՀԻ ՏԵՂԱԿԱԼ ՆԵՐՍԵՍ ԵՐԻՑՅԱՆ