«ԼԻԳԱ ԻՆՇՈՒՐԱՆՍ» ապահովագրական փակ բաժնետիրական ընկերության «Կապան», «Սևան», «Ապարան» և «Եղեգնաձոր» մասնաճյուղերի գործունեության դադարեցմանը թույլտվություն տալու, գործունեության դադարեցումը գրանցված համարելու մասին
Հայաստանի Հանրապետության
կենտրոնական բանկի նախագահ
Որոշում թիվ 1/99 Ա
27.03.2024
«ԼԻԳԱ ԻՆՇՈՒՐԱՆՍ» ապահովագրական փակ բաժնետիրական ընկերության «Կապան», «Սևան», «Ապարան» և «Եղեգնաձոր» մասնաճյուղերի գործունեության դադարեցմանը թույլտվություն տալու, գործունեության դադարեցումը գրանցված համարելու մասին
Հիմք ընդունելով «Հայաստանի Հանրապետության կենտրոնական բանկի մասին» ՀՀ օրենքի 18-րդ հոդվածի 4-րդ մասի «է1» կետը, «Ապահովագրության և ապահովագրական գործունեության մասին» Հայաստանի Հանրապետության օրենքի 46-րդ հոդվածի 10-րդ մասը, Հայաստանի Հանրապետության կենտրոնական բանկի խորհրդի 2007 թվականի հոկտեմբերի 30-ի թիվ 344-Ն որոշմամբ հաստատված «Ապահովագրության ոլորտում լիցենզավորման, գրանցման, համաձայնության, թույլտվության տրամադրման, մասնագիտական համապատասխանության ստուգման և որակավորման կարգերը» Կանոնակարգ 3/01-ի 68-րդ և 73-րդ կետերը, հաշվի առնելով ՀՀ կենտրոնական բանկի լիցենզավորման և վերահսկողության հանձնաժողովի եզրակացությունը (2024 թվականի մարտի 27-ի թիվ 13 արձանագրություն) և «ԼԻԳԱ ԻՆՇՈՒՐԱՆՍ» Ապահովագրական փակ բաժնետիրական ընկերության 2024 թվականի մարտի 14-ի միջնորդագրերը և կից փաստաթղթերը՝
Ո ր ո շ ու մ ե մ.
1. Տալ թույլտվություն «ԼԻԳԱ ԻՆՇՈՒՐԱՆՍ» Ապահովագրական փակ բաժնետիրական ընկերության «Կապան», «Սևան», «Ապարան» և «Եղեգնաձոր» մասնաճյուղերի գործունեության դադարեցմանը:
2. «ԼԻԳԱ ԻՆՇՈՒՐԱՆՍ» Ապահովագրական փակ բաժնետիրական ընկերության «Կապան», «Սևան», «Ապարան» և «Եղեգնաձոր» մասնաճյուղերի գործունեության դադարեցումը 31.03.2024թ. համարել գրանցված:
3. Սույն որոշումն ուժի մեջ է մտնում ստորագրման օրվանից:
Հայաստանի Հանրապետության
կենտրոնական բանկի նախագահի տեղակալ Արմեն Նուրբեկյան