Կենտրոնական բանկ

Հայաստանի Հանրապետության
կենտրոնական բանկի նախագահ
Որոշում թիվ 1/320 Ա
29.07.2026
«ԲԻԲԼՈՍ ԲԱՆԿ ԱՐՄԵՆԻԱ» ՓԲԸ ՂԵԿԱՎԱՐՆԵՐԻ ԿԱԶՄՈՒՄ ԿԱՏԱՐՎԱԾ ՓՈՓՈԽՈՒԹՅՈՒՆԸ ԳՐԱՆՑԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» ՀՀ օրենքի 18-րդ հոդվածի 4-րդ մասի «է» կետը, «Բանկերի և բանկային գործունեության մասին» ՀՀ օրենքի 33-րդ հոդվածի 2-րդ մասը, ՀՀ կենտրոնական բանկի խորհրդի 12.04.2005թ. թիվ 145-Ն որոշմամբ հաստատված «Բանկային գործունեության ոլորտում լիցենզավորման, գրանցման, համաձայնության և թույլտվության տրամադրման, մասնագիտական համապատասխանության ստուգման և որակավորման կարգերը» կանոնակարգ 1-ի 188-րդ կետը և 201-րդ կետի 1-ին ենթակետը, հաշվի առնելով Հայաստանի Հանրապետության կենտրոնական բանկի լիցենզավորման և վերահսկողության կոմիտեի եզրակացությունը (2026 թվականի հուլիսի 29-ի թիվ 36 արձանագրություն) և «Բիբլոս Բանկ Արմենիա» ՓԲԸ կողմից 25.06.2026թ., 03.07.2026թ. և 15․07․2026թ․ Հայաստանի Հանրապետության կենտրոնական բանկ ներկայացված միջնորդագրերը և կից փաստաթղթերը՝

Ո ր ո շ ու մ ե մ ․

1. Գրանցումից հանել «Բիբլոս Բանկ Արմենիա» ՓԲԸ գլխավոր հաշվապահի (ի պաշտոնե՝ տնօրինության անդամ) պաշտոնում գրանցված Անի Սարգսյանին:
2. Գրանցել Անի Սարգսյանին «Բիբլոս Բանկ Արմենիա» ՓԲԸ գլխավոր գործադիր տնօրենի (ի պաշտոնե՝ տնօրինության նախագահ) տեղակալի պաշտոնում։
3. Սույն որոշումն ուժի մեջ է մտնում 2026 թվականի հուլիսի 31-ին:

Հայաստանի Հանրապետության
կենտրոնական բանկի նախագահի տեղակալ              Հովհաննես Խաչատրյան