Կենտրոնական բանկ

Հայաստանի Հանրապետության
 կենտրոնական բանկի խորհուրդ

    Որոշում թիվ 79-Ն

02.04.2026

Հայաստանի Հանրապետության կենտրոնական բանկի խորհրդի 2014 թվականի դեկտեմբերի 30-ի թիվ 377-Ն որոշման մեջ փոփոխոիթյուններ կատարելու մասին

հրապարակման ամսաթիվ՝ 03.04.2026

Նպատակ ունենալով կազմակերպությունների՝ ըստ չափի դասակարգումը համապատասխանեցնել օրենսդրությամբ առկա դասակարգմանը,

հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասով, 20-րդ հոդվածի 1-ին մասի «ե» կետերով, «Նորմատիվ իրավական ակտերի մասին» Հայաստանի  Հանրապետության  օրենքի 33-րդ  հոդվածի 1-ին և  3-րդ մասերով և 34-րդ հոդվածով` Հայաստանի Հանրապետության կենտրոնական բանկի խորհուրդը 

 Ո ր ո շ ու մ  է . 

1. Հայաստանի Հանրապետության կենտրոնական բանկի խորհրդի 2014 թվականի դեկտեմբերի 30-ի «Բանկերից համապարփակ տվյալների ստացման կարգը հաստատելու մասին» թիվ 377-Ն որոշմամբ հաստատված կարգում (այսուհետ՝ Կարգ) կատարել հետևյալ փոփոխությունները.

 1) Կարգի 35-րդ կետի 1-ին ենթակետի «գերփոքր» բառը փոխարինել «միկրոկազմակերպություն» բառով,

 2) Կարգի Հավելված 5-ը շարադրել նոր խմբագրությամբ՝ համաձայն սույն որոշման Հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրվանից:

 Հայաստանի Հանրապետության

կենտրոնական բանկի նախագահ`                             Մարտին Գալստյան

                      Երևան

   Հավելված 1

Հայաստանի Հանրապետության

 կենտրոնական բանկի խորհրդի

    2026 թվականի ապրիլի 2-ի թիվ 79-Ն որոշման

                                                         

«Հավելված  5

Հայաստանի Հանրապետության

 կենտրոնական բանկի խորհրդի

2014 թվականի դեկտեմբերի 30-ի թիվ 377-Ն որոշման Հավելվածի

 

                         Կազմակերպությունների դասակարգումն՝ ըստ չափի

                         Կազմակերպությունների դասակարգումն՝ ըստ չափի

1. Իրավաբանական անձանց և անհատ ձեռնարկատերերի դասակարգումն ըստ չափի իրականացվում է «Հաշվապահական հաշվառման մասին» օրենքով սահմանված սկզբունքներով՝ հետևյալ խմբերում.

 1) Միկրոկազմակերպություն,

2) Փոքր,

3)Միջին,

4) Խոշոր:»։