Կենտրոնական բանկ

Հայաստանի Հանրապետության
 կենտրոնական բանկի խորհուրդ

Որոշում թիվ 117-Ն

17.07.2020

Երաշխավորման ֆոնդին պարբերական վճարների կատարումը ժամանակավորապես դադարեցնելու մասին

      Հրապարակման ամսաթիվ՝ 27.07.2020

Նպատակ ունենալով ձևավորված խնայողությունների միջոցով ապահովել ԱՊՊԱ ոլորտի ենթակառուցվածքների զարգացումը՝ միևնույն ժամանակ չվտանգելով Երաշխավորման ֆոնդի առջև դրված խնդիրների պատշաճ իրականացումը և ԱՊՊԱ համակարգի կայունությունը,
հիմք ընդունելով «Հայաստանի ավտոապահովագրողների բյուրո» ՀԿ խորհրդի 2020 թվականի ապրիլի 28-ի թիվ 12-Լ որոշմամբ ներկայացված առաջարկությունը, «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքի 46-րդ հոդվածի 3-րդ մասը, «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, 20-րդ հոդվածի «ե» կետը և ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի դրույթներով` Հայաստանի Հանրապետության կենտրոնական բանկի խորհուրդը

Ո ր ո շ ու մ է .

1. Երաշխավորման ֆոնդին կատարվող 2020 թվականի երկրորդ, երրորդ, չորրորդ եռամսյակների և 2021 թվականի առաջին եռամսյակի վճարների իրականացումը դադարեցնել:
2. Դադարեցումից հետո առաջին վճարումը կատարվելու է 2021 թվականի 2-րդ եռամսյակին հաջորդող 10 աշխատանքային օրվա ընթացում:
3. Սույն որոշումն ուժի մեջ է մտնում պաշտոնական հրապարակման օրվան հաջորդող օրը և տարածվում է 2020 թվականի հուլիսի 1-ից հետո ծագած հարաբերությունների վրա:

 
Հայաստանի Հանրապետության
կենտրոնական բանկի նախագահ                                                Մարտին Գալստյան

2020 թ. հուլիսի 22
Երևան