Կենտրոնական բանկ

Հայաստանի Հանրապետության
Կենտրոնական բանկի խորհուրդ

Պաշտոնական պարզաբանում
16/10/2007թ.թիվ 3

«ԲԱՆԿԵՐԻ ԵՎ ԲԱՆԿԱՅԻՆ ԳՈՐԾՈՒՆԵՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 39-ՐԴ ՀՈԴՎԱԾԻ ԴՐՈՒՅԹՆԵՐԻ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 87-րդ հոդվածի 2-րդ կետի «բ» ենթակետը`«Բանկերի և բանկային գործունեության մասին» Հայաստանի Հանրապետության օրենքի դրույթների վերաբերյալ առաջացած հարցերի կապակցությամբ Հայաստանի Հանրապետության կենտրոնական բանկի խորհուրդը

Պաշտոնապես պարզաբանում է

Համաձայն «Բանկերի և բանկային գործունեության մասին» Հայաստանի Հանրապետության օրենքի 39-րդ հոդվածի, բանկերի հետ կապված անձանց հետ կնքվող գործարքները չեն կարող վերջիններիu համար առավել բարենպաuտ պայմաններ (այդ թվում` գործարք կնքելու հնարավորություն, գին, տոկոuներ, ժամկետ և այլն) նախատեuել, քան բանկի աշխատակից չհամար­վող այլ ֆիզիկական անձանց, ինչպեu նաև իրավաբանական անձանց հետ կնքված նույնանման գործարքները:

Քանի որ համաձայն «Բանկերի և բանկային գործունեության մասին» 39-րդ հոդվածի, բանկի ղեկավարները համարվում են բանկի հետ կապված անձինք, բանկերը հնարավորություն չունեն, որպես աշխատակիցների խրախուսման և մոտիվացման մեխանիզմ, ղեկավարներին, այդ թվումª բաժնի, վարչության, դեպարտամենտի պետերին, գործադիր տնօրենին և տնօրենի տեղակալներին տրամադրել վարկեր՝ արտոնյալ պայմաններով:

• «Բանկերի և բանկային գործունեության մասին» օրենքի 39-րդ հոդվածը նպատակ ունի ապահովելու բանկային գործունեության հավասար պայմաններ և՛ քաղաքացիների, և՛ բանկի աշխատակիցների, բաժնետերերի, բանկի հետ փոխկապակցված անձանց, բանկի ղեկավարների և այլ ինսայդերների համար: Ընդ որում, Բազելյան փաստաթղթերով նշված դրույթի ամրագրումը պայմանավորված է բանկի ղեկավարության կողմից բանկի հետ կապված անձանց գործառնությունների իրականացման ընթացքում շահերի բախումից խուսափելու նպատակով (օրինակ՝ բանկի հետ կապված անձանց վարկավորման ընթացքում ղեկավարության կողմից վարկավորման նվազագույն պահանջների (գործընթացների) չպահպանում): Սակայն բանկի աշխատակիցներին, այդ թվումª ղեկավարներին արտոնյալ պայմաններով վարկավորումը բանկերի կողմից լայնորեն կիրառվում է ամբողջ աշխարհում՝ որպես աշխատակիցների խրախուսման միջոց:

Հաշվի առնելով վերը նշվածը՝ Հայաստանի Հանրապետության կենտրոնական բանկը ձեռնպահ կմնա վերահսկողական նպատակներով օրենքով նախատեսված վերահսկողական միջոցառումների իրականացումից, եթե բանկի աշխատակիցների, այդ թվում՝ ղեկավարների հետ կնքվող գործարքներում առավել բարենպաuտ պայմանները.

• սահմանվեն բանկի ներքին իրավական ակտերով,
• նմանատիպ գործարքներով ֆինանսավորման նպատակը պետք է լինի սպառողական կամ հիփոթեքային:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀ ՝   ՏԻԳՐԱՆ ՍԱՐԳՍՅԱՆ

2007 թ. հոկտեմբերի 24, ք. Երևան