«ԱԷՍ Կրեդիտ» ՈՒՎԿ ՓԲԸ-Ի գրանցման և լիցենզավորման մասին
Հայաստանի Հանրապետության
կենտրոնական բանկի խորհուրդ
Որոշում թիվ 181 Ա
22.11.2019
«ԱԷՍ Կրեդիտ» ՈՒՎԿ ՓԲԸ-Ի գրանցման և լիցենզավորման մասին
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, 20-րդ հոդվածի «ժզ» կետը, «Վարկային կազմակերպությունների մասին» Հայաստանի Հանրապետության օրենքի 5-րդ հոդվածի 2-րդ և 6-րդ կետերը, Հայաստանի Հանրապետության կենտրոնական բանկի խորհրդի 01.07.2008թ. թիվ 194-Ն որոշմամբ հաստատված «Վարկային կազմակերպության գործունեության ոլորտում լիցենզավորման, գրանցման, համաձայնության և թույլտվության տրամադրման, մասնագիտական համապատասխանության ստուգման և որակավորման կարգերը» կանոնակարգ 13-ի 3-րդ գլուխը, հաշվի առնելով Հայաստանի Հանրապետության կենտրոնական բանկի լիցենզավորման և վերահսկողության հանձնաժողովի եզրակացությունը (2019 թվականի նոյեմբերի 20-ի թիվ 52 արձանագրություն) և քննարկելով «ԱԷՍ Կրեդիտ» ՈՒՎԿ ՓԲԸ-ի հիմնադիրներ Սենիկ Սալազարյանի, Էմանուել Սողոմոնյանի, Էմիլ Սողոմոնյանի, Արա Հովհաննիսյանի և նրանց կողմից լիազորված անձ Արթուր Մկրտչյանի կողմից Հայաստանի Հանրապետության կենտրոնական բանկ ներկայացրած` 31.10.2019թ., 19.11.2019թ. և 20.11.2019թ. միջնորդագրերը և կից փաստաթղթերը` Հայաստանի Հանրապետության կենտրոնական բանկի խորհուրդը
Ո ր ո շ ու մ է .
- Գրանցել և լիցենզավորել «ԱԷՍ Կրեդիտ» ՈՒՎԿ ՓԲԸ-ն:
- Սույն որոշումն ուժի մեջ է մտնում ընդունման օրը:
Հայաստանի Հանրապետության
կենտրոնական բանկի նախագահի տեղակալ Ներսես Երիցյան
2019 թ. նոյեմբերի 27, ք. Երևան