Կենտրոնական բանկ

Հայաստանի Հանրապետության
 կենտրոնական բանկի խորհուրդ

Որոշում թիվ 37 Ա
 29.03.2019

«ԼԵՆԴՄԱՐԿ ԿԱՊԻՏԱԼ» փակ բաժնետիրական ընկերությունը գրանցելու և ընկերությանը ներդրումային ծառայությունների մատուցման լիցենզիա տրամադրելու մասին 

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի ժզ) կետը, «Արժեթղթերի շուկայի մասին» Հայաստանի Հանրապետության օրենքի 33-րդ հոդվածի 4-րդ մասը, 37-րդ հոդվածի 1-ին մասը, քննարկելով «ԼԵՆԴՄԱՐԿ ԿԱՊԻՏԱԼ» փակ բաժնետիրական ընկերության ստեղծումը նախաձեռնող «ՊՈՒԿՈՒՈՏԱՍ ԼԻՄԻՏԵԴ» ընկերության՝ ի դեմս նրա միակ հիմնադիր Ահարոն Մխիթարյանի կողմից 06.03.2019թ., 26.03.2019թ. և 28.03.2019թ. ներկայացված միջնորդագրերը և կից փաստաթղթերը, հաշվի առնելով Հայաստանի Հանրապետության կենտրոնական բանկի լիցենզավորման և վերահսկողության հանձնաժողովի եզրակացությունը (2019 թվականի մարտի 27-ի թիվ 13 արձանագրություն)՝ Հայաստանի Հանրապետության կենտրոնական բանկի խորհուրդը

Ո ր ո շ ու մ  է .

1. Գրանցել «ԼԵՆԴՄԱՐԿ ԿԱՊԻՏԱԼ» փակ բաժնետիրական ընկերությունը և ընկերությանը տրամադրել ներդրումային ծառայությունների մատուցման լիցենզիա` հետևյալ ներդրումային ծառայությունները մատուցելու համար.

• հաճախորդներից արժեթղթերով գործարքների կատարման հանձնարարականների ընդունում և հաղորդում,
• իր կամ հաճախորդի անունից և հաճախորդի հաշվին արժեթղթերով գործարքների կատարում,
• արժեթղթերում ներդրումների հետ կապված խորհրդատվության տրամադրում հաճախորդներին,
• արժեթղթերի չերաշխավորված տեղաբաշխման իրականացում:

2. Սույն որոշումն ուժի մեջ է մտնում ընդունման օրը:

Հայաստանի Հանրապետության
կենտրոնական բանկի նախագահ                 Արթուր Ջավադյան

2019 թ. ապրիլի 3, ք. Երևան