Կենտրոնական բանկ

Հայաստանի Հանրապետության
կենտրոնական բանկի խորհուրդ

Որոշում թիվ 30 Ա
 28.02.2020

Ա/Ձ Սեդրակ Գագիկի Մուրադյանի գրավատնային գործունեության թիվ ԳԳ-Ե 292 լիցենզիան ուժը կորցրած ճանաչելու մասին

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասը, 20-րդ հոդվածի «ժզ» կետը, «Գրավատների և գրավատնային գործունեության մասին» Հայաստանի Հանրապետության օրենքի 20-րդ հոդվածի 1-ին մասի «թ» կետը և 2-րդ պարբերությունը, Հայաստանի Հանրապետության կենտրոնական բանկի խորհրդի 2017 թ. փետրվարի 3-ի թիվ 32-Ն որոշմամբ հաստատված «Հայաստանի Հանրապետությունում   գրավատնային   գործունեության լիցենզավորման կարգի» 22-րդ կետը և    հաշվի առնելով  Հայաստանի Հանրապետության կենտրոնական բանկի  լիցենզավորման և վերահսկողության հանձնաժողովի եզրակացությունը (2020 թվականի փետրվարի 26-ի թիվ 8 արձանագրություն), ինչպես նաև քննարկելով Ա/Ձ Սեդրակ Գագիկի Մուրադյանի կողմից 18.02.2020 թ. Հայաստանի Հանրապետության կենտրոնական բանկ ներկայացված դիմումը` Հայաստանի Հանրապետության կենտրոնական բանկի խորհուրդը 

Ո ր ո շ ու մ  է․

1. Ուժը կորցրած ճանաչել Ա/Ձ Սեդրակ Գագիկի Մուրադյանի՝ ՀՀ, ք. Երևան, Արաբկիր Բաղրամյան պողոտա 71 շենք, 1 տարածք հասցեում գործող գրավատնային գործունեության թիվ ԳԳ-Ե 292 լիցենզիան (տրված՝ 17.02.2015 թ.)՝ գրավատան կազմակերպչի դիմումի համաձայն:

2. Սահմանել, որ՝

• սույն որոշումն ուժի մեջ մտնելու պահից գրավատունն իրավունք ունի կատարել միայն այնպիսի գործողություններ, որոնք կապված են մինչև լիցենզիայի գործողության դադարեցումը կնքված վարկային և պահատվության պայմանագրերից բխող իրավունքների և պարտականությունների կատարման հետ,
• Ա/Ձ Սեդրակ Գագիկի Մուրադյանի և ֆիզիկական անձանց միջև կնքված վարկային և պահատվության պայմանագրերը կարող են սույն որոշման ուժի մեջ մտնելու պահից կողմերի նախաձեռնությամբ վաղաժամկետ լուծվել` համաձայն Հայաստանի Հանրապետության քաղաքացիական օրենսգրքի 467-րդ հոդվածի 1-ին մասի, վարկառուների կողմից վերցված վարկը և մինչև պայմանագրի լուծման պահը դրա դիմաց սահմանված տոկոսները և գումարի օգտագործման հետ կապված այլ վճարները մարելուց, պահատվության պայմանագրի դիմաց վճարումները կատարելուց, ներառյալ` գույքի պահատվության հետ կապված գրավատան կրած սովորական և արտակարգ ծախսերը հատուցելուց և գրավատան կողմից որպես գրավ կամ ի պահ ընդունված գույքը վերադարձնելուց հետո:

3. Հանձնարարել Հայաստանի Հանրապետության կենտրոնական բանկի գլխավոր քարտուղարության հասարակայնության հետ կապերի ծառայությանը` Ա/Ձ Սեդրակ Գագիկի Մուրադյանի հետ վարկային և պահատվության պայմանագրեր կնքած քաղաքացիների շահերի պաշտպանության նպատակով ապահովել սույն որոշման հրապարակումը Հայաստանի Հանրապետության կենտրոնական բանկի ինտերնետային կայքում և մամուլում:

4. Սույն որոշումն ուժի մեջ է մտնում ընդունման օրվանից:

Հայաստանի Հանրապետության
կենտրոնական բանկի նախագահի տեղակալ    Վախթանգ Աբրահամյան

2020 թ. մարտի 4, ք. Երևան