ՀՀ կենտրոնական բանկի կարիքների համար սերվերային և տվյալների պահպանման համալիրների ձեռքբերման նպատակով կազմակերպության ընտրության CBA-2022-015 ծածկագրով բաց մրցույթի կազմակերպման մասին
ՀՀ կենտրոնական բանկի կարիքների համար սերվերային և տվյալների պահպանման համալիրների ձեռքբերման նպատակով կազմակերպության ընտրության CBA-2022-015 ծածկագրով բաց մրցույթի կազմակերպման մասին
Հայաստանի Հանրապետության կենտրոնական բանկը հայտարարում է բաց մրցույթ՝ սերվերային և տվյալների պահպանման համալիրներ մատակարարող կազմակերպություն ընտրելու նպատակով:
Մրցույթին կարող են մասնակցել Հայաստանի Հանրապետության և օտարերկրյա իրավաբանական և ֆիզիկական անձինք, որոնք բավարարում են սույն հայտարարությամբ և հրավերով սահմանված որակավորման չափանիշներին և ունեն գնման պայմանագրով նախատեսված պարտավորությունների կատարման համար պահանջվող իրավունք, տեխնիկական և ֆինանսական միջոցներ:
Հայտերն անհրաժեշտ է ներկայացնել հայերեն լեզվով թղթային ձևով, ՀՀ կենտրոնական բանկ՝ ք. Երևան 0010, Վազգեն Սարգսյանի փողոց 6 հասցեով (մուտքը Դեղատան փողոցից) ներքին հեռ. 06-26, 06-27:
Մասնակիցները կարող են իրենց հայտերը ներկայացնել մինչև 2022թ. հունիսի 9-ը ժամը 16:00-ն:
Հայտերի բացման նիստը տեղի կունենա ՀՀ կենտրոնական բանկում` ք. Երևան 0010, Վազգեն Սարգսյան փողոց 6 հասցեով, 2022թ. հունիսի 9-ին ժամը 16-00-ին:
Մրցույթի արդյունքների ամփոփման նիստը հրավիրվում է 2022թ. հունիսի 16-ին ժամը 16:00:
Մրցույթի հրավերը հրապարակված է ՀՀ կենտրոնական բանկի ինտերնետային կայքում (www.cba.am): Լրացուցիչ տեղեկություններ ստանալու համար ցանկացողները կարող են դիմել ՀՀ կենտրոնական բանկի Գնումների համակարգման ծառայություն, էլ. Փոստ՝ procurement@cba.am:
27.04.2022
ՀՀ ԿԲ հասարակայնության հետ կապերի ծառայություն