ՎԻՃԱԿԱԳՐՈՒԹՅՈՒՆ
Վիճակագրական հետազոտություններ
Վարկավորման պայմանների հարցում
ՀՀ բանկերի և վարկային
կազմակերպությունների կողմից տրամադրվող վարկերի պայմանների վերաբերյալ
հարցում:
Հարցման նպատակն է բանկերի և վարկային
կազմակերպությունների կողմից վարկերի տրամադրման որակական պայմանների և շուկայի
սպասումների վերաբերյալ տեղեկատվության հավաքագրումը: Հարցումն ուղղված է ՀՀ
բանկերի և վարկային կազմակերպությունների ավագ վարկային մասնագետներին: Առաջին
անգամ հարցումն իրականցվել է 2008թ. երրորդ եռամսյակում և շարունակվում է
իրականացվել մինչ օրս` եռամսյակային պարբերականությամբ: Հարցաթերթում ըդգրկված
են հարցեր ընթացիկ հարցման փաստացի տվյալների և հաջորդ եռամսյակի սպասումների
վերաբերյալ: Մասնակցող սուբյեկտներն ընտրվում են այնպես, որ վերջիններիս
վարկային պորտֆելը հարցվող ժամանակահարվածի վերջի դրությամբ ծածկի ՀՀ բանկերի և
վարկային կազմակերպությունների վարկային պորտֆելի 90%-ը:
Ամփոփ տոկոսային ցուցանիշները
հաշվարկելիս, ինչպես նաև ընդհանուր եզրակացություններ կատարելիս` անհատական
հարցվողների դրական կամ բացասական պատասխանները դիտվում են որպես փորձագետների
կարծիք ՀՀ վարկային շուկայի վերաբերյալ և ամփոփվում են առանց յուրաքանչյուր
հարցվողի վարկային պորտֆելի տեսակարար կշիռը հաշվի առնելու:
Ցուցանիշների ամփոփման ժամանակ հաշվարկվում
է դրական և բացասական պատասխանների տոկոսային հարաբերությունը ընդհանուր
հարցվողների մեջ, իսկ զուտ տոկոսային հարաբերությունը հաշվարկվում է որպես
դրական պատասխանների և բացասական պատասխանների տարբերության հարաբերակցությունն
ընդհանուր պատասխանների մեջ:
Ընթացակարգերի և պահանջարկի
փոփոխությունները նկարագրելու նպատակով հաշվարկվում են նաև դիֆուզիոն
ինդեքսներ, որոնք հաշվարկելիս հարցվողների պատասխաններին տրվում են կշիռներ` 0;
0.25; 0.5; 0.75 և 1, իսկ արդյունքներն այնուհետև ագրեգացվում են ինդեքսներում: