Compliance Details javascript:commonShowModalDialog('{SiteUrl}/_layouts/itemexpiration.aspx?ID={ItemId}&List={ListId}', 'center:1;dialogHeight:500px;dialogWidth:500px;resizable:yes;status:no;location:no;menubar:no;help:no', function GotoPageAfterClose(pageid){if(pageid == 'hold') {STSNavigate(unescape(decodeURI('{SiteUrl}'))+'/_layouts/hold.aspx?ID={ItemId}&List={ListId}'); return false;} if(pageid == 'audit') {STSNavigate(unescape(decodeURI('{SiteUrl}'))+'/_layouts/Reporting.aspx?Category=Auditing&backtype=item&ID={ItemId}&List={ListId}'); return false;} if(pageid == 'config') {STSNavigate(unescape(decodeURI('{SiteUrl}'))+'/_layouts/expirationconfig.aspx?ID={ItemId}&List={ListId}'); return false;}}, null); 0x0 0x1 ContentType 0x01 898
|
ՖԻՆԱՆՍԱԿԱՆ ԿԱՅՈՒՆՈՒԹՅՈՒՆ
Ճգնաժամերի կառավարում
Ֆինանսական կայունության ապահովման նպատակից ելնելով՝ Հայաստանի Հանրապետության կենտրոնական բանկը կարևորում է ոչ միայն ֆինանսական կայունության ամրապնդումը, այլև ֆինանսական ճգնաժամերի արդյունավետ կառավարումը:
Ֆինանսական համակարգի կայունության համատեքստում ֆինանսական ճգնաժամը սահմանվում է որպես ֆինանսական հաստատության կամ հաստատությունների իրացվելիության և/կամ վճարունակության լուրջ հիմնախնդիրների առաջացում կամ դրանց առաջացման բարձր հավանականության առկայություն, որը կարող է հանգեցնել ֆինանսական համակարգի գործառույթների խաթարմանը և/կամ ֆինանսական համակարգի նկատմամբ վստահության կորստին:
Ֆինանսական ճգնաժամերի կառավարման նպատակով Հայաստանի Հանրապետության կենտրոնական բանկը կարող է համագործակցել Հայաստանի Հանրապետության Ավանդների հատուցումը երաշխավորող հիմնադրամի, Հայաստանի Հանրապետության կառավարության և այլ պետական գերատեսչությունների հետ` համաձայն 2010թ. կնքած եռակողմ փոխըմբռնման հուշագրի: Հայաստանի Հանրապետության կենտրոնական բանկում ֆինանսական ճգնաժամերի կառավարման գործընթացին վերաբերող հիմնական հարցերը քննարկվում են Հայաստանի Հանրապետության կենտրոնական բանկի Ֆինանսական կայունության և հատուկ կարգավորման հանձնաժողովի կողմից:
Իրավիճակը ճգնաժամային որակելու պարագայում հանձնաժողովը մշակում և առաջարկում է ֆինանսական կայունության վերականգմանն ուղղված գործողությունների ծրագիր: Այն պետք է իրենից ներկայացնի սկզբունքների, գործընթացների և գործողությունների ամբողջություն, որոնք ուղղված կլինեն ճգնաժամային իրավիճակներում ֆինանսական համակարգում համակարգային ռիսկի կանխմանը կամ դրա բացասական հետևանքների վերացմանը` առավել արագ և արդյունավետ ձևով: Ֆինանսական կայունության և հատուկ կարգավորման հանձնաժողովի կողմից առաջարկվող միջոցառումները պետք է հնարավորինս համապատասխանեն հետևյալ սկզբունքներին.
- Օպերատիվություն և ամբողջականություն
- Մրցակցության ապահովում
- Հանրային միջոցների պաշտպանություն
- Տեղեկատվության պարբերաբար փոխանակում և գաղտնիության ապահովում
- Թափանցիկություն:
Անհրաժեշտության դեպքում գործողությունների ծրագրում ներառված առաջարկությունների փաթեթի քննարկման ընթացքում կարող են դիտարկվել միջազգային պրակտիկայում տարածում ստացած հատուկ կարգավորման ռեժիմ/ռեժիմներ /Resolution plan/, որոնք համապատասխանում են Հայաստանի Հանրապետության առկա օրենսդրական դաշտին:
Ֆինանսական ճգնաժամերի կառավարմանն ուղղված միջոցառումների իրավական շրջանակը
Հայաստանի Հանրապետության կենտրոնական բանկն իր իրավասությունների շրջանակում ունի մի շարք գործիքներ, որոնք կարող է կիրառել ֆինանսական համակարգի կայունությունը վերականգնելու համար: Վերոնշյալ գործիքակազմի հիմնական տարրերն են.
- Տրամադրել 6 ամսից մինչև 5 տարի ժամկետայնությամբ վարկեր, որոնք կարող են լինել նաև բլանկային (Կենտրոնական բանկի մասին ՀՀ օրենքը),
- Բանկերին տրամադրել լրացուցիչ իրացվելիություն` հաճախակի աճուրդների կազմակերպման, գրավի առարկա հանդիսացող արժեթղթերի շրջանակի ընդլայնման, ժամկետների երկարացման միջոցով,
Խախտումներ թույլ տված ֆինանսական հաստատությունների հետ կնքել պայմանագիր տվյալ հաստատության ֆինանսական վիճակի բարելավման և բնականոն գործունեության ապահովման համար ( Կենտրոնական բանկի մասին ՀՀ օրենքը),
- Սահմանափակել բանկերի վարկային, ավանդային, ֆինանսական գործառնությունները, ներդրումների առանձին տեսակները, կամ սահմանել դրանց իրականացման հատուկ կարգ` ռիսկայնությունը զսպելու նպատակով (Բանկերի և բանկային գործունեության մասին ՀՀ օրենք),
- Ֆինանսական հաստատությունների համար սահմանել հատուկ տնտեսական նորմատիվներ կամ առանձին ֆինանսական կազմակերպությունների (բանկեր, ապահովագրական ընկերություններ) համար սահմանել ավելի խիստ տնտեսական նորմատիվների սահմանաչափեր (Բանկերի և բանկային գործունեության մասին ՀՀ օրենք),
- Կիրառել պատժամիջոցներ առանձին ֆինանսական հաստատությունների կամ ղեկավար անձանց նկատմամբ, այդ թվում` ֆինանսական հաստատության լիցենցիան ուժը կորցրած ճանաչել, թույլ չտալ անձին օգտվել ձայնի, շահութաբաժիններ ստանալու իրավունքից, ղեկավարներին որակավորման վկայականից զրկում (Բանկերի և բանկային գործունեության մասին ՀՀ օրենք),
- Ֆինանսական կազմակերպություններին ճանաչել անվճարունակ կամ դիմել դատարան` սնանկ ճանաչելու հայցով (Բանկերի, վարկային կազմակերպությունների, ներդրումային ընկերությունների, ներդրումային ֆոնդի կառավարիչների և ապահովագրական ընկերությունների սնանկության մասին ՀՀ օրենք),
- Սահմանել հիմնական տնտեսական նորմատիվներ ֆինանսական խմբերի համար (Կենտրոնական բանկի մասին ՀՀ օրենքը),
- Ֆիզիկական անձանց երաշխավորված ավանդների հատուցում իրականացնելու պարագայում հիմնադրամի միջոցների անբավարարության դեպքում Հայաստանի Հանրապետության կենտրոնական բանկը կարող է հիմնադրամին տրամադրել բյուջետային երաշխիքով վարկ (Կենտրոնական բանկի մասին ՀՀ օրենքը):
Սիմուլիացիոն վարժություններ
Ֆինանսական ճգնաժամերի արդյունավետ կառավարման նպատակով տարեկան կտրվածքով Հայաստանի Հանրապետության կենտրոնական բանկը կազմակերպում է սիմուլյացիոն վարժություններ: Սիմուլյացիոն վարժության նպատակն է բացահայտել Հայաստանի Հանրապետության կենտրոնական բանկում ֆինանսական ճգնաժամերի կառավարմանն առնչվող հնարավոր հիմնախնդիրները և դրանց լուծման ուղիները, ինչպես նաև բարձրացնել ֆինանսական ճգնաժամերի կառավարման մասով վարժության մասնակիցների հմտությունները:
Սիմուլյացիոն վարժության շրջանակներում Հայաստանի Հանրապետության կենտրոնական բանկը ակտիվորեն համագործակցել է Համաշխարհային բանկի՝ Վիեննայի Ֆինանսական ոլորտի խորհրդատվական կենտրոնի (FinSac) հետ, ինչը նպաստել է վարժություններն անցկացնել միջազգային լավագույն փորձին համահունչ: Տարբեր տարիներին անցկացված վարժություններին մասնակցել են ինչպես Կենտրոնական բանկի, այնպես էլ Ֆինանսների նախարարության, Ավանդների հատուցումը երաշխավորող հիմնադրամի, Հայաստանի ավտոապահովագրողների բյուրոյի բարձրաստիճան աշխատակիցներ:
|
|
|