Compliance Details javascript:commonShowModalDialog('{SiteUrl}/_layouts/itemexpiration.aspx?ID={ItemId}&List={ListId}', 'center:1;dialogHeight:500px;dialogWidth:500px;resizable:yes;status:no;location:no;menubar:no;help:no', function GotoPageAfterClose(pageid){if(pageid == 'hold') {STSNavigate(unescape(decodeURI('{SiteUrl}'))+'/_layouts/hold.aspx?ID={ItemId}&List={ListId}'); return false;} if(pageid == 'audit') {STSNavigate(unescape(decodeURI('{SiteUrl}'))+'/_layouts/Reporting.aspx?Category=Auditing&backtype=item&ID={ItemId}&List={ListId}'); return false;} if(pageid == 'config') {STSNavigate(unescape(decodeURI('{SiteUrl}'))+'/_layouts/expirationconfig.aspx?ID={ItemId}&List={ListId}'); return false;}}, null); 0x0 0x1 ContentType 0x01 898
|
ՀՀ կենտրոնական բանկի մասին
Պատմություն
Դրամաշրջանառությունը Հայաստանի Հանրապետությունում
1993 թ. նոյեմբերի 22-ին Հայաստանի Հանրապետության տարածքում շրջանառության մեջ է դրվում ազգային արժույթը՝ դրամը: Որպես օրինական վճարամիջոց սկսում են շրջանառվել 10, 25, 50, 100, 200 և 500 դրամ անվանական արժեքով թղթադրամները: Փոխանակման համար ընդունվում է 1 դրամ = 200 ռուբլի հարաբերակցությունը:
Մինչև 1994 թ. մարտի 17-ը ժամանակավոր շրջանառության մեջ են գտնվում նաև Խորհրդային Միության 1961-1992 թթ. նմուշների 1-ից մինչև 500 ռուբլի անվանական արժեքով թղթադրամները:
Նկ.՝ ՀՀ առաջին շարքի 25 և 200 դրամ անվանական արժեքով թղթադրամներ
1994-1995 թթ. Հայաստանի Հանրապետությունում շրջանառության մեջ են դրվում առաջին շարքի ալյումինե 10, 20, 50 լումա և 1, 3, 5, 10 դրամ մետաղադրամները, ինչպես նաև 1000 և 5000 դրամ արժողությամբ թղթադրամները:
1998 թ. սկսած թողարկվում են երկրորդ շարքի 50, 100, 500, 1000, 5000, 10000 և 20000 դրամ անվանական արժեքով թղթադրամները, որոնք իրենց ձևավորմամբ, պաշտպանվածությամբ և պատրաստման որակով համապատասխանում են ժամանակակից թղթադրամների տպագրության պահանջներին:
Նկ.՝ ՀՀ երկրորդ շարքի 1000 և 20000 դրամ անվանական արժեքով թղթադրամներ
2001 թ. շրջանառության մեջ է դրվում 50000 դրամ անվանական արժեքով հոբելյանական թղթադրամը` նվիրված Հայաստանում քրիստոնեությունը պետական կրոն հռչակելու 1700-ամյակին:
2003-2004 թթ. շրջանառության մեջ են դրվում ՀՀ երկրորդ շարքի մետաղադրամները` 10, 20, 50, 100, 200 և 500 դրամ անվանական արժեքով:
2004-2005 թթ. շրջանառությունից դուրս են բերվում 1993-1995 թթ. նմուշի բոլոր անվանական արժեքով և 1998 թ. նմուշի 50 ու 100 դրամ անվանական արժեքով թղթադրամները: Դրանք դադարում են օրինական վճարամիջոց լինելուց, թեև փոխանակվում են ՀՀ կենտրոնանան բանկում և ՀՀ տարածքում գործող բանկերում իրենց անվանական արժեքով:
2009 թ. թողարկվում է ամենաբարձր՝ 100000 դրամ անվանական արժեքով թղթադրամը:
Նկ.՝ ՀՀ երկրորդ շարքի 50000 և 100000 դրամ անվանական արժեքով թղթադրամներ
2018 թ. թողարկվում են ՀՀ երրորդ շարքի
թղթադրամները՝ կոմպոզիտային
հումքով և պաշտպանված տպագրության ոլորտի նորարարությունների կիրառմամբ: Ներդրվում
է նոր՝ 2000 դրամ անվանական արժեքով թղթադրամը: Երրորդ շարքի թղթադրամները ներկայացված
են 1000, 2000, 5000,
10000, 20000 և 50000
դրամ անվանական արժեքով:
Նկ.՝ ՀՀ երրորդ շարքի 2000 և 50000 դրամ անվանական արժեքով թղթադրամներ
|
|
|