Հայաստանի Հանրապետության կենտրոնական բանկը հայտարարում է մրցույթ` Ֆինանսական դիտարկումների կենտրոնի Վերլուծությունների բաժնում աշխատելու համար մասնագետներ ներգրավելու նպատակով:
Ընտրված դիմորդները որոշակի ժամկետով աշխատանքային պայմանագրի շրջանակներում մասնակցելու են հետևյալ գործառույթների իրականացմանը.
Հաշվետվություն տրամադրող անձանցից ստացված տեղեկությունների վերլուծություն և արդյունքների գնահատում՝ փողերի լվացման և ահաբեկչության ֆինանսավորման (այսուհետ՝ ՓԼ/ԱՖ) հնարավոր ռիսկերի տեսանկյունից
ՓԼ/ԱՖ դեպքի կամ կասկածի վերաբերյալ իրավասու ներպետական և օտարերկրյա մարմիններից ստացված հարցումների հիման վրա վերլուծությունների իրականացում և տեղեկությունների փոխանակում
Արդի ՓԼ/ԱՖ տիպաբանությունների (սխեմաների) բացահայտման և մշակման նպատակով ուսումնասիրությունների իրականացում
Մրցույթին կարող են մասնակցել տնտեսագիտական/իրավաբանական ոլորտում բարձրագույն կրթությամբ անձինք, ովքեր ունեն պահանջվող հետևյալ գիտելիքներն ու հմտությունները.
- ՓԼ/ԱՖ դեմ պայքարի միջազգային ստանդարտներ (ՖԱԹՖ-ի հանձնարարականներ)
- ՓԼ/ԱՖ դեմ պայքարի ոլորտում ՀՀ օրենսդրական պահանջներ
- Ներպետական և միջազգային ՓԼ/ԱՖ տիպաբանություններ և ուղեցույցներ
- Բանկային գործ
- Բանկային օրենսդրություն և նորմատիվ դաշտ
- Հայերենի, ռուսերենի և անգլերենի գերազանց իմացություն
- Հաղորդակցվելու կարողություն
- Վերլուծելու ունակություն
- Ստեղծագործական մտածելակերպ
- Համագործակցելու ունակություն
- Բանակցելու ունակություն
- Նախաձեռնողականություն
- Ճկունություն
Այլ պահանջներ`
Աշխատանքային փորձը ֆինանսական ոլորտում կդիտվի որպես առավելություն
Մրցույթին դիմելու վերջնաժամկետը` 2020թ. հուլիսի 24-ը:
Միայն փաստաթղթային փուլում ընտրված դիմորդները կտեղեկացվեն մրցույթի հաջորդ փուլերի մասին:
Մրցույթին դիմելու ընթացակարգը.
Մրցույթին դիմելու համար անհրաժեշտ է գրանցվել համակարգում ((https://www.cba.am/am/SitePages/accvacancies.aspx) գրանցվում են միայն այն դիմորդները, որոնք առցանց եղանակով առաջին անգամ են դիմում ներկայացնում ՀՀ ԿԲ թափուր աշխատատեղերի մրցույթների համար) և լրացնել հարցաթերթիկը, այնուհետև ընտրելով համապատասխան հայտարարությունը անհրաժեշտ է սեղմել «ԴԻՄԵԼ» կոճակը և լրացնել դիմումը:
Լրացուցիչ տեղեկությունների և պարզաբանումների համար կարող եք զանգահարել՝ (+37410) 59-26-34:
Հասարակայնության հետ կապերի ծառայություն