Սույն թվականի հունիսի 19-ից հուլիսի 27-ն ընկած ժամանակահատվածում ՀՀ ԿԲ ֆինանսական դիտարկումների կենտրոնի կողմից անց են կացվել հեռավար դասընթացներ՝ ՀՀ տարածքում գործող ներդրումային ընկերությունների, ներդրումային ֆոնդերի կառավարիչների, կորպորատիվ ներդրումային ֆոնդերի, ՀՀ կենտրոնական դեպոզիտարիայի, վարկային, ապահովագրական, դրամական փոխանցում իրականացնող կազմակերպությունների, գրավատների ներքին դիտարկումների մարմնի աշխատակիցների համար՝ ՀՀ ԿԲ ֆինանսական վերահսկողության վարչության աշխատակիցների մասնակցությամբ:
Դասընթացի շրջանակներում մասնակիցներին ներկայացվել են.
•Հաճախորդի պատշաճ ուսումնասիրություն (ՀՊՈՒ)
•Գործարքի կամ գործարար հարաբերության բարձր ռիսկի և կասկածելիության չափանիշներ
•Վերլուծության աղբյուրներ
•Իրավիճակային խնդիրներ
•Ահաբեկչության ֆինանավորման և զանգվածային ոչնչացման զենքի (ԶՈԶ) տարածման ֆինանսավորման դեմ պայքարի միջոցառումները:
Դասընթացը կրելու է շարունակական բնույթ՝ նպատակ ունենալով բոլոր հաշվետվություն տրամադրող անձանց իրազեկել ՓԼ/ԱՖ, ինչպես նաև ԶՈԶ տարածման ֆինանսավորման դեմ պայքարի ոլորտում առկա զարգացումների վերաբերյալ: